黑人家族

黑人家族係個活躍於台灣桃園市嘅黑幫。

架勢

編輯自行查證得知：黑人家族幫眾嘅背景五花八門，主要聚集於八德區，喺桃園區以及中壢區亦經營甚多業務，仲涉足全市各區嘅土方、改建以及沙石等嘅大量生意。

知情人士同記者講：黑人家族組織嚴密，對比一般幫會，其作風特別大膽，手段尤其凶殘，擺明犯罪嘅勾當嘅比例亦大好多；佢哋作案時非常小心，而且即使係平時出門歸家，都依循套嚴謹嘅防跟蹤兼反偵查嘅流程，乃至於侯友宜做桃園縣政府警察局局長時，對於點樣收拾佢地，亦感到頭痛；該組織唔止靠八大行業（台灣定義）弁利，仲犀利到掌管整個桃園市嘅毒品市場秩序，堪稱該市最有錢嘅派別。黑人家族嘅領導層一共培養左四支互不相識嘅隊伍，以避免任何一股勢力坐大到唔聽自己話，甚至成為威脅；佢地好㔹賺錢，火力強大，唔怕衝突，當涉及錢銀糾紛，連同行都冇面畀，因此小南門幫、天道盟正義會以及至尊盟都對其有所敬畏。

風雲

江湖傳聞：某個桃園市議會第2屆議員選舉嘅參選者（落選收場）非法敢收左黑人家族上千萬元（新台幣）嘅政治獻金（台灣定義），不過由於嗰筆係現錢，檢調單位（台灣定義）對此無從入手。

響2019年嘅8月至10月期間，自稱隸屬於黑人家族嘅郭明豪威迫4個喺台灣桃園市桃園區南昌西街固定敢擺檔嘅攤位（蚵仔嬤以及阿彩姨係其中兩個受害商販）交大額陀地費過自己，使出嘅手段包括擺嘢厊位以及號令助手拆嘢；收開佢哋小額陀地費嘅桃園市南昌街、南昌西街攤販自治管理委員會嘅會長蔡泓宗接到求助之後，竟然要求就範（即係收左保護費而拒絕出手保護）……依啲消息經社交媒體以及新聞媒體傳播，引黎廣泛關注。

響2021年2月6號，黑人家族嘅蠱惑仔黃明誠揸車載住佢個陳姓同居女朋友去探朋友時，趙姓、李姓、楊姓、沈姓、蕭姓、陳姓等一共7／8個男人喺八德區後庄街合力將首者擄走再囚禁於大溪區石園路，並要求其家屬交贖金，等到同月嘅12號先至喺新竹縣芎林交流道放人；事件起因係首者個女以及其江姓朋友爭少年董仔錢，末者為此策劃並指揮是次綁架黎追討。

響2021年3月11號，桃園市政府警察局嘅桃園分局同埋保安警察大隊特殊任務警力合作拉左某黑人家族嘅陳姓男幹部以及其5個下屬；事關佢哋做貴利同埋追債生意，並將其中一個債仔圂喺某地盤度做苦工。

響2021年4月7號，臺灣桃園地方檢察署肅貪專組兼重大刑案專組檢察官雷金書指揮警察，捉左某黑人家族嘅李姓男人物以及其13個同黨；事緣上述中者指揮班馬仔撈恐嚇同埋暴力收數，亦兩次帶隊去某個同自己個手下嘈過交嘅人嘅屋企門口搗亂，仲派人毆打兼且勒索某隻想脱離團夥嘅馬仔。

響2022年7月16號，康育豪、某楊姓男人以及某包姓男人喺仲平黃昏市場附近用刀斬傷左某黑人家族嘅郭姓男成員；原因似乎係末者上網賭錢時得罪左人地，其餘三者於是被派去施襲。

響2023年1月2號，黑人家族嘅退休領䄂郭信一喺桃園市桃園區自己屋企附近倒垃圾時，俾個殺手開槍射死左；兇徒嘅身分以及動機均不明。