龍之谷：大陸探險

龍之谷：大陸探險（粵拼：lung4 zi1 guk1 daai6 luk6 taam3 him2；簡化字：龙之谷大陆探险；英文：Dragon Nest WONDERLAND）；臺灣嗰邊嗌新龍之谷大富豪（粵拼：san1 lung4 zi1 guk1 daai6 fu3 hou4；繁體字：新龍之谷大富豪 ），係一款由韓國公司EYEDENTITY GAMES同盛大遊戲一齊負責開發嘅手機遊戲。呢種遊戲同大富翁差唔多噉玩法，但同大富翁遊戲唔同，呢種遊戲係加入咗《龍之谷》遊戲入面出現過嘅人氣副本同巢穴啲嘢，重可以整成以象徵性嘅波士怪物嘅地標。而呢種遊戲喺2014年7月30號開始營運，2014年11月5號結束營運。

核心玩法

揀牌抽籤，邊位先玩

呢個遊戲喺開始嗰陣先揀張牌，如估出「優先」呢兩個字就係先丼骰仔嘅玩家。

輪到指定玩家丼骰仔

到咗指定玩家丼骰仔嘅話，就㩒有兩粒骰仔嘅相嚟丼骰仔（有時間限制，超時就自動判成託管），角色就會按返丼出的兩粒骰仔嘅數加埋一齊，就去到邊個格。佢根據㩒住兩粒骰仔嘅相嚟話要丼幾多，㩒得越耐嘅話，好大幾率會出大數（最細係2，最大係12）。但係如估丼出嗰兩個數都係一樣，嗰個丼出咗兩個數嘅玩家重可以繼續丼多一次骰仔，不過遇到以下呢啲情況（是但一個）就例外：

1. 同一個玩家連續丼咗3次骰仔而且丼出嗰兩個數都係一樣。
2. 丼出一樣嗰兩個數去到嘅格係次元裂縫。
3. 丼出一樣嗰兩個數去到嘅格係大陸探險。
4. 丼出一樣嗰兩個數去到嘅格係魔法卡，而且出嘅係以下呢啲卡（是但一張）：

   4-1. 去次元裂縫

   4-2. 去大陸探險

   4-3. 去賭場

   4-4. 神行

   4-5. 去鐵匠鋪

5. 喺踎緊骰仔監嗰陣丼出兩個數都係一樣嘅

如估出現上面第1、2同4-1嘅情況（是但一個），就即刻入去次元裂縫踎2輪骰仔監，冇得繼續丼。如估出現上面第5嘅情況，可以喺次元裂縫入面提早出返嚟。

買地同起樓

買地同起樓方面，同一般嘅大富翁遊戲一樣：

如估先到嗰個格係冇主人霸過呢度，可以先霸個地嚟起。有打折優惠或打折優惠卡響度嘅玩家凈係用好少錢就買到嚿地。

如估玩家經過咗最先起嘅樓嗰度，按建築風格重限制咗起樓。

如估玩家到咗嗰隻格係唔同主人嘅話，唔好意思，要畀過路費。

可以通過㩒嚿地方嚟查吓起樓價錢同要幾多過路費

建築可以俾人出卡拆走都得。不過噉樣買咗嗰嚿地嘅人可能要使好多錢。

隻格可以俾人搶走都得。

如估其中一隻格出現咗3級建築嘅話，可以起地標建築。不過地標建築一定要去遊戲首頁嘅地標商鋪先至有得買，而且一買返嚟就係永遠都有得用。

搶走地皮

喺到咗人哋嘅地皮嗰陣，可以出雙倍價錢嚟買低都得。有打折優惠或打折優惠卡響度嘅玩家凈係用好少錢（不過搶走地皮比原價貴一倍到，要小心啲）；但係有咗地標建築嘅格係唔搶得嘅。

點樣先算贏

如估遊戲出現以下呢啲事但一個情況就比賽結束：

1. 凈係得返一位玩家或一個隊重喺度玩緊，其他凈低嗰幾家都冚唪唥執嗮笠。
2. 如估用嗮冚唪唥嘅輪數，就睇邊位最有米（有米程度＝總資產＋自己揸住幾多錢）。
3. 邊位玩家最先霸咗3個地區

   1個地區＝同邊連續2—3個格仔，唔計城鎮。

   如估冚唪唥嘅巢穴都係清一色嘅，都計最先霸咗3個地區。

4. 同邊冚唪唥嘅格仔都俾一個人或一個隊霸嗮。

贏咗嗰隊點獎？

點贏法	咩條件	有乜獎
霸嗮成個地區	同組或同一個人霸嗮嘅格仔，冚唪唥都係清一色嘅。	加兩倍過路費
舉辦節日	喺開始遊戲嗰陣，系統會求其揀邊嚿格仔嚟辦節日。	加兩倍過路費
特殊地區活動	派過騎士團或舉辦過奥林匹克嗰嚿格仔	最多加5倍過路費 （睇下辦咗幾次）
對手冚唪唥執嗮笠	一定要對手冚唪唥執嗮笠，冇玩家留響度。	1.5倍獎勵 （贏咗嗰位）
霸咗3個地區	霸咗3組嘅格仔都係一樣色嘅	1.5倍獎勵 （贏咗嗰位）
一邊霸嗮	同邊冚唪唥嘅格仔都俾一個人或一個隊霸嗮	有兩倍嘅獎勵 （贏咗嗰位）

史

第一次營運（2014年7月30號——2014年11月5號）

呢款遊戲喺2014年7月30號開始營運之後受到好多玩家關注同歡迎，但喺呢次公測入面，由於代理商發現咗遊戲記憶體入面出現咗好麻煩嘅問題，一定要畀返去開發商搞好咗先至畀返出嚟嘅。就係噉，呢個遊戲喺2014年11月5號10:00開始，遊戲嘅服務器正式閂門。

攷

遊戲資訊

• 龙之谷大陆探险怎么胜利 获得胜利条件介绍 小皮游戏
• 龙之谷大陆探险今日在台湾正式上架 小皮游戏
• 《龙之谷》正版手游曝光!开拓大富翁类蓝海 17173
• 龙之谷大陆探险正版手游曝光 开拓大富翁类蓝海 七匣子网

營運資訊

• 龙之谷大陆探险11月5日起暂停服务通知