龍圃花園
22°21′49″N 114°03′04″E / 22.36361°N 114.05111°E 龍圃花園，或叫做龍圃別墅同龍圃，係香港一座具有特色同歷史價值嘅私人大宅，喺香港新界深井青龍頭青山公路32-42號，喺1940年代起，佔地大約8.5公頃。喺2006年被評為香港二級歷史建築，2011年10月24號確定評級。
大宅係有「西餅皇后」之稱嘅李曾超羣嘅已故老爺李耀祥所起，為咗慶祝李耀祥夫婦結婚50週年紀念，特登邀請首名喺美國賓夕凡尼亞大學留學嘅華人建築師朱彬設計。建築結合咗中西文化嘅特色，重有依山而起嘅亭台樓閣，造成一個獨特嘅園景。景致方面，大宅可遠望龍鼓水道同青馬大橋嘅景色。
1960年代到1980年代，龍圃曾經長期開放畀公眾同遊客參觀。而1974年占士邦電影《鐵金剛大戰金槍客》，同埋李小龍電影《龍爭虎鬥》都係喺度取景。
2006年，李耀祥部份後人打算將大宅賣畀地產發展商重建，惹來公眾關注，最終都放棄咗呢個計劃。