100毛

《100毛》（粵拼：jat1 baak3 mou4）係香港一份雜誌。喺2013年3月首度發行^[1]，逢星期四出版。《100毛》入面有100條每週最注目嘅話題，而每篇文章約莫100至500字，希望可以令讀者讀完成本雜誌^[2]。

相關術語

「百毛黨」係該雜誌創立嘅名詞，意思係指部分商店因為新雜誌嘅關係而冇將《100毛》放喺周刊架上，令讀者買唔到雜誌。《100毛》希望讀者成為「百毛黨」，向店主問下《100毛》喺邊，以便令讀者搵到雜誌^[2]。

「雜誌仔」係香港潮語，指《100毛》雜誌。香港立法會議員蔣麗芸同林日曦拍電視節目《跟住矛盾去旅行》時講過「你嗰本咁嘅雜誌仔就釘啦！睇佢捱到幾耐^[3]，威到咁喎真係！」。

2018年3月《100毛》雜誌母公司毛記葵涌（港交所：01716）上市頭一日被炒作至超過20億港元（下同）市值，一度超過蔣麗芸家族創辦嘅震雄集團（港交所：00057）嘅14億市值。自此網民以「雜誌仔」來諷刺蔣麗芸狗眼看人低。

好花唔常開，毛記葵涌股價至2018年9月11號先至首次向下衝破招股價1.20緡，低見1.18緡，市值重有成3億2千萬，係震雄集團市值約莫百份之22。