維基百科

2007年毒牙膏醜聞

喺2007年，世界多個地方發現有牙膏含有有毒成分二甘醇，大部分發現二甘醇嘅牙膏都喺中國大陸造。令世界各國都要求收番有二甘醇嘅牙膏，不過，中國國家質檢總局唔認為牙膏裏面有二甘醇會危害人體健康。

由於牙膏係日常用品，加上呢件事涉及地區相當多，所以引起外國嘅廣泛關注。

現有世界各地對二甘醇嘅安全標準

編輯
  • 美國：喺甘油原料度，只可以含0.1%嘅二甘醇，否則係唔合指引[1]。
  • 新加坡：任何含有二甘醇嘅藥物，都唔畀入口[2]。
  • 歐盟、香港：根據歐盟科學委員會嘅建議，喺食品添加劑度，只有可含每公斤0.5毫克嘅二甘醇至叫安全[3]。
  • 中國：根據2000年嘅研究報告，只要用低於15.6%二甘醇嘅牙膏就合符安全[4]。由2007年7月11號起，禁止生產、出入口用二甘醇做原料嘅牙膏[5]。
  • 日本：少量嘅二甘醇，唔認為會危害健康，但亦唔建議國民使用[6]。

事件發展

編輯

2007年5月19號，巴拿馬宣布發現兩隻中國牙膏含二甘醇[7]，之後美國FDA根據各地嘅毒牙膏事件，主動抽查美國市面賣嘅牙膏[8]。過咗唔夠半個月，6月1號，美國FDA出新聞稿[9]，話中國三款出口美國嘅牙膏，含百分之嘅二甘醇。雖然美國政府未收過食死人嘅報告，但係根據FDA嘅指引，牙膏同埋藥物嘅甘油原料，最多只可以含0.1%嘅二甘醇[10]。第二日，6月2號，中國國家質檢總局即刻反對美國FDA提出嘅警告，同美國交涉[11]。

幾日之後，6月5號，新加坡健康科學管理局（Health Sciences Authority），驗到三隻中國牙膏，未有響註冊嗰陣披露有二甘醇，要求即刻停賣[12]。6月11號，香港海關宣布，響三款入口香港嘅中國牙膏裏面，發現二甘醇，含量過晒歐盟標準，違反香港嘅《消費品安全條例》，要求全部收番[13]。6月14號，連紐西蘭都驗到中國牙膏有二甘醇，叫人唔好用[14]。

6月15號，中國國家質檢總局要求香港海關取消禁售令，畀返嗰三隻牙膏喺香港賣[15]。美國四個州發現含有二甘醇嘅高露潔牙膏，係南非製造，不過高露潔話佢哋從來冇用二甘醇嚟做牙膏，認為係假貨[16]。日本政府發現，酒店裏面嘅即棄牙刷牙膏，都有二甘醇[17]。

7月11號，中國國家質檢總局發出《關於禁止用二甘醇作為牙膏原料的公告》，禁止全國所有牙膏生產商，買賣、出口、入口、生產含有二甘醇嘅牙膏，唔准用二甘醇作為牙膏原料，如果因為用其他原料，令牙膏有二甘醇成份，出口嗰陣要符合番目的地嘅標準[18]。

參考

編輯
  1. ↑ "Guidance for Industry Testing of Glycerin for Diethylene Glycol, Washington D.C: FDA". 原著喺2007年7月1號歸檔. 喺2007年6月16號搵到.
  2. ↑ "HSA TESTS CHINA-MADE TOOTHPASTES FOR DIETHYLENE GLYGOL AND ALERTS CONSUMERS TO "HEI MEI" TOOTHPASTE, HEI MEI CALCIUM TOOTHPASTE AND MAXAM TOOTHPASTE WITH FLUORIDE, Singapore: Health Sciences Authority" (PDF). 原著 (PDF)喺2007年6月9號歸檔. 喺2007年6月17號搵到.
  3. ↑ Opinion of the Scientific Committee on Food on Impurities of 1,4-dioxane, 2-chloroethanol and mono- and diethylene glycol in currently permitted food additives and in proposed use of ethyl hydroxyethyl cellulose in gluten-free bread, Brussels: Directorate General of Health and Consumer Protection, European Commission
  4. ↑ 〈國家質檢總局希望香港海關盡快恢復三款牙膏在港銷售，北京：中國國家質檢總局〉。原著喺2007年6月17號歸檔。喺2007年6月16號搵到。
  5. ↑ 國家質檢總局發出《關於禁止用二甘醇作為牙膏原料的公告》，北京：中國國家質檢總局 互聯網檔案館嘅歸檔，歸檔日期2007年7月14號，.。
  6. ↑ ジエチレングリコールを含有する中国製練り歯磨きの自主回収について，東京：厚生労働省医薬食品局
  7. ↑ Poisoned Toothpaste in Panama Is Believed to Be From China by WALT BOGDANICH and RENWICK McLEAN, New York: New York Times
  8. ↑ "IMPORT ALERT #66-74, Washington D.C:FDA". 原著喺2007年6月29號歸檔. 喺2007年6月16號搵到.
  9. ↑ "FDA Advises Consumers to Avoid Toothpaste From China Containing Harmful Chemical, Washington D.C: FDA". 原著喺2007年6月14號歸檔. 喺2007年6月16號搵到.
  10. ↑ "Contaminated Toothpaste from China Frequently Asked Questions, Washington D.C: FDA". 原著喺2007年6月15號歸檔. 喺2007年6月16號搵到.
  11. ↑ 質檢總局就中國牙膏被禁售曏美提出交涉，北京：新華社
  12. ↑ "HSA TESTS CHINA-MADE TOOTHPASTES FOR DIETHYLENE GLYGOL AND ALERTS CONSUMERS TO "HEI MEI" TOOTHPASTE, HEI MEI CALCIUM TOOTHPASTE AND MAXAM TOOTHPASTE WITH FLUORIDE, Singapore: Health Sciences Authority" (PDF). 原著 (PDF)喺2007年6月9號歸檔. 喺2007年6月17號搵到.
  13. ↑ 〈三款牙膏含二甘醇須停用，香港：香港政府新聞處〉。原著喺2007年8月12號歸檔。喺2007年6月16號搵到。
  14. ↑ 紐西蘭•可能含有二甘醇 促國民勿用中國牙膏 吉隆坡：星洲日報[失咗效嘅鏈]
  15. ↑ 〈國家質檢總局希望香港海關儘快恢復三隻牙膏在港銷售，北京：中國國家質檢總局〉。原著喺2007年6月17號歸檔。喺2007年6月16號搵到。
  16. ↑ "Counterfeit Colgate Toothpaste Found, New York: Colgate-Palmolive Company". 原著喺2007-11-11歸檔. 喺2019-12-28搵到.
  17. ↑ ジエチレングリコールを含有する中国製練り歯磨きの自主回収について，東京：厚生労働省医薬食品局
  18. ↑ 〈國家質檢總局發出《關於禁止用二甘醇作為牙膏原料的公告》，北京：中國國家質量監督檢驗檢疫總局，2007〉。原著喺2007年7月14號歸檔。喺2007年7月14號搵到。

出面網頁

編輯
由「https://zh-yue.wikipedia.org/w/index.php?title=2007年毒牙膏醜聞&oldid=1900023」收