2017年香港電動方程式錦標賽（英文：2017 Hong Kong ePrix），官方名2017國際汽聯香港電訊電動方程式賽車錦標賽（英文：2017 FIA Formula E HKT Hong Kong ePrix），係2017－18年電動方程式錦標賽頭兩場賽事，2017年12月2到3號喺香港中環海濱賽道舉行，由香港電訊冠名贊助。呢場賽事係香港第二年搞嘅方程式賽車比賽，亦係頭一次連續兩日有正規比賽。
賽事本嚟由奧迪車隊嘅德國車手阿比徹頭一個衝線，不過之後大會發現佢架車零件犯規而取消佢資格，由跑第二嘅Mahindra車隊瑞典車手羅辛基斯做冠軍。
