2021年度香港行政長官施政報告
《2021年度香港行政長官施政報告》係第五屆香港行政長官林鄭月娥發表嘅第五份施政報告，喺2021年10月6號發表，主題係「齊心同行 開創未來」。報告沿用天藍色做封面[1]。
內容摘要
編輯完善「一國兩制」實踐
編輯- 落實《基本法》第二十三條嘅本地立法工作，去維護國家安全
- 加強反恐準備同應對能力
- 加強學校、社會同公務員嘅《憲法》、《基本法》同《香港國安法》公眾教育
- 推展宣誓安排至更多公職人員
- 嚴格跟住經完善嘅選舉制度，喺公平、公開同誠實嘅情況下去搞第七屆立法會選舉同第六屆行政長官選舉
提升管治效能
編輯- 檢討政策局架構，去應付新挑戰
- 檢討依家公務員高層職位嘅選拔同聘任機制，確保「能者居之」
- 設立專員職位，專責提供政策指引同全面統籌
- 率先公布40項立法建議，方便公眾早日討論
- 更加有效發放政府訊息
房屋同土地
編輯- 為確保適當嘅時候提供未來十年330,000個公營房屋單位，喺切實可行範圍內盡量提前落成後五年期（2027-28至2031-32年度）嘅項目
- 嚴謹審視城市規劃、環境影響評估同其他法定要求，去進一步精簡發展流程
- 將過渡性房屋單位嘅供應量由15,000個加到20,000個、同合資格輪候公屋申請人提供有時限現金津貼，同埋就「劏房」實施租務管制
- 推展《北部都會區發展策略》，將香港北部改造到活力十足同有吸引力嘅地區，為房屋、科技發展同其他產業提供更多土地
- 加快龍鼓灘（包括重新規劃屯門西）同馬料水嘅近岸填海計劃
- 檢視「綠化地帶」，去物色有潛力可發展土地
- 制訂建議，同改善祖堂管理，釋放祖堂地嘅發展潛力
- 重建房屋委員會轄下嘅西環邨及馬頭圍邨，同埋喺市區重建局（市建局）嘅配合下，推動平民屋宇有限公司嘅大坑西邨重建計劃
- 將適用喺重建工廈嘅「標準金額」補價評估模式擴展到新發展區嘅換地個案
經濟新動力
編輯- 改善上市機制、擴展離岸人民幣業務，同埋發展綠色同可持續金融業
- 建設「智慧港口」、發展高增值物流同海運業務，同埋加強與大灣區內外嘅連繫
- 通過「商業數據通」，方便中小企向銀行融資
- 吸引出名爭議解決機構喺香港法律樞紐落戶
- 憑住近年嘅成就，通過提供更多土地同基建設施、推動研發、投資科技、進行再工業化同支援大學科研，建立完整嘅創科生態圈
- 推展「機場城市」發展同喺航空業上加強同珠海合作
- 更新版權制度去配合數碼環境
- 發展世界級文化設施同建立多元文化環境
- 未來幾年平均每年投資1,000億元喺基礎設施建設
建設宜居城市
編輯- 成立氣候變化與碳中和辦公室，協調《香港氣候行動藍圖2050》訂嘅工作
- 為有效實施都市固體廢物收費去做籌備，包括由環境保護署接管食物環境衞生署管理垃圾收集服務
- 引入新嘅塑膠飲料容器生產者責任計劃同管制即棄塑膠餐具
- 加快油麻地同旺角嘅巿區更新工作，並由市建局喺荃灣和深水埗區展開地區規劃研究
- 研究降低《土地（為重新發展而強制售賣）條例》（俗稱強拍條例）嘅強拍門檻，去加快舊樓重建[2]
- 由2021年年底至2022年年中喺灣仔同銅鑼灣開放三段新海濱長廊，並喺2022年完成首段喺啟德前跑道區嘅海濱長廊
- 興建香港體育學院嘅新設施，並同香港賽馬會慈善信託基金一齊斥資設立3億元嘅基金，去提升運動員表現
改善民生
編輯- 合併普通同高額長者生活津貼，向合資格長者畀更多支援
- 喺黃大仙、屯門、南區、元朗同荃灣設立地區康健中心，亦喺其餘11區設立「地區康健站」，同埋為基層醫療健康服務制訂可持續發展藍圖
- 探討允許中醫師指示病人接受診斷成像檢測（例如X光）同化驗檢查
- 修訂有關法例，允許病人免醫生轉介而直接接受醫療專業人員（包括物理治療師同職業治療師）嘅服務，同埋推展強制性持續專業進修同發展
- 推展有關強制舉報虐兒個案嘅立法工作
- 將到校學前康復服務嘅名額由9,000個進一步加到10,000個，去做到有需要兒童「零輪候」嘅目標
- 同立法會提交相關條例草案，取消強制性公積金制度下嘅「對沖」安排
培育人才同青年發展
編輯- 將優秀人才入境計劃嘅年度配額倍加到4,000個
- 喺香港人才清單新增專業，並擴闊原有專業嘅領域，去吸納高質素人才
- 將研究配對補助金計劃延長兩年，去支持高等教育界嘅研究工作
- 加強國民教育同價值觀教育，並由教育局負責監察
- 邀請青年發展委員會研究推出新資助計劃，去培育青年嘅正向思維
重組政府架構
編輯睇埋
編輯參考
編輯- ↑ 〈特首早上發表施政報告下午舉行記者會晚上出席電視論壇〉。《香港電台》。2021-10-06。喺2021-10-06搵到。
- ↑ 〈施政報告｜邀市建局研究荃灣、深水埗地區重建 研降低強拍門檻〉。《香港01》。2021-10-06。喺2021-10-06搵到。
- ↑ 3.0 3.1 3.2 3.3 〈重組政府架構 提升管治效能〉。《政府新聞處》。2021-10-06。
出面網頁
編輯- 行政長官2021年施政報告Wayback Machine嘅版面存檔備份
- 行政長官2021年演辭全文Wayback Machine嘅版面存檔備份
- 行政長官2021年施政報告 附篇Wayback Machine嘅版面存檔備份