2024年台灣大選黑金貪污爭議

第11屆中華民國立法委員選舉同第16屆中華民國總統選舉會喺民國113年（2024年）1月13號一齊舉行。不過，國民黨、民進黨同民眾黨都有候選人或主要競選嘅人員，選前或以往涉及黑金貪污政治爭議。

民進黨

陳冠廷

2023年7月，出戰嘉義縣第二選舉區嘅陳冠廷，以及佢嘅老豆，現任原區立委陳明文被爆出用3000萬土地同農會貸款1億多元，涉嫌超貸同埋違反《公職人員利益衝突迴避法》。陳之後回應話唔係單純用土地去借錢。

許展維

民進黨屏東縣議員許展維一度被民進黨推薦參選屏東縣第二選舉區（屏東南區），但之後因為涉嫌違反政府採購法，7月31號許展維宣布退選，會配合調查。之後，台聯劉一德又去咗屏東地檢署按鈴控告許喺十多年前協助民眾處理車禍，事後收受六萬元紅包涉嫌貪污。不過對於劉一德嘅指控，許展維就話自己係單純幫親戚，自己俾人汙蔑。

國民黨

顏寬恆

2023年4月26號，出戰台中市第二選舉區嘅顏寬恒涉嫌違犯貪污治罪條例被起訴。之前佢已經涉嫌用人頭詐領助理費同偽造文書等罪行。之後顏寬恒回應，指控檢察官羅織入罪要攻擊佢。

民眾黨

蔡春綢

蔡春綢係民眾黨提名嘅不分區立委參選人，但佢細佬雲林縣議會副議長蔡咏鍀就曾經涉及職棒簽賭、有暴力傷害前科，而民眾黨雲林縣黨部多位黨員都涉及黑金爭議，包含涉嫌暴力討債、強盜恐嚇同埋做大耳窿等。時代力量不分區立委參選人余佳蒨就形容，蔡春綢係黑道代理人。

尚文凱

尚文凱係民眾黨提名嘅金門縣立委參選人，但當佢參選嘅時候，佢老公歐陽儀雄就被爆曾經係「天道盟太陽會」北部組長，甚至屢次違法，有槍砲彈藥、組織犯罪同埋買票賄選等前科。時代力量揶揄呢個其實係黑白配，主席王婉諭形容民眾黨同黑金靠攏嘅意志仍無比堅定，但尚文凱回應話係過咗去嘅事。