360雲盤

360雲盤係奇虎公司屬下嘅網盤，2011年11月11號發佈。佢嘅功能係唔使U盤都可以儲存相、檔案、音樂、長短片、軟件、應用等好多種嘢。甚至幫每個用戶提供18G嘅免費初始容量空間，通過簡單任務同抽獎可以擴容到36G或更大。操作系統限喺Web、Microsoft Windows XP及以上、Mac OS X 10.7以上、Android 2.3及以上、及iOS 8.0以上版本。

軟件自從2015年8月11號被舉報有存鹹濕嘢後發佈聲明，話會同其它互聯網公司一齊積極打擊非法行為^[1]。但時隔一年又兩個月，喺2016年10月20號，雲盤發佈公告由於網盤冇辦法解決太多鹹濕嘢、侵權、及其它犯法內容而宣佈喺同年11月11號停止個人雲盤而轉型。到2017年2月1號全面停止個人網盤服務，轉型做企業服務^[2]。