American Institute of Graphic Arts
American Institute of Graphic Arts（簡稱 AIGA，可以譯美國平面美術學會）係喺美國代表平面設計嘅兩大專業組織之一。1914年成立，總部喺紐約市[1]。喺美國各地，計埋海外分會，總共有70個分會[2]。
除咗分會之外，AIGA 設立咗三個跨分會嘅羣組，分別係教育工作者羣組（DEC）、多元平等及包容專案小組（DEI Task Force）同服務西班牙文社羣嘅 Unidos[2]。教育工作者羣組旗下有一本叫 《Dialectic》 嘅學術期刊，由密芝根大學幫手出版[3]。
AIGA 好早已經將專業設計嘅市場價值定位喺 ｢有冇用｣ 而唔係 ｢靚唔靚｣。例如，佢喺2011年開始改變咗佢嘅設計比賽評選準則，廢咗兩個評 ｢靚唔靚｣ 嘅比賽，用一個評 ｢有冇用｣ 嘅比賽取代[4]。
雖然 AIGA 喺美國係全國性嘅平面設計專業組織，但係佢唔係 ICO-D 嘅成員。
刊物
編輯- 《Dialectic》（辯論）學術期刊，每半年出版一次
- 《Design POV》（設計觀點）研究報告，不定期出版[5]
- 《Design Business and Ethics》（設計業專業操守），2001年初版，2009年再版[6]
AIGA 曾經出版一本叫 《Journal of the American Institute of Graphic Arts》（美國平面美術學會期刊）嘅期刊，1965年創刊，1976年左右停刊[7]。
貢獻
編輯參考資料
編輯- ↑ "AIGA Through the Years" (美國英文). American Institute of Graphic Arts. 喺2022年10月7號搵到.
- ↑ 2.0 2.1 "About AIGA Chapters" (美國英文). American Institute of Graphic Arts. 喺2022年10月10號搵到.
- ↑ "Our aims and scope". Dialectic (美國英文). University of Michigan. 喺2022年10月7號搵到.
- ↑ Print Magazine (2012年4月6號). "AIGA: Unjustified" (美國英文). 喺2022年10月7號搵到.
- ↑ "Design Research & Insights" (美國英文). American Institute of Graphic Arts. 喺2022年10月10號搵到.
- ↑ "Business & Freelance Resources" (美國英文). American Institute of Graphic Arts. 喺2022年10月10號搵到.
- ↑ "Journal of the American Institute of Graphic Arts". WorldCat (英文). 喺2022年10月10號搵到.
- ↑ Gibson, David (2009). The Wayfinding Handbook: Information Design for Public Places. New York: Princeton Architectural Press. ISBN 978-1-56898-769-9.
