波士頓

波士頓（頓讀陰上聲，粵拼：bo1 si6 deon2；英文：Boston，英文讀音：[ˈbɒstən])，係美國一城，亦係一埠。佢係麻省省城，係紐英倫最大嘅城。佢喺美國東岸，對住大西洋。2008年估計，人口52萬0535，係全部第廿一大城。波士頓同周圍城地，擴展成大都會，叫大波士頓，人口450萬，係全國第十大大都會。如果以返工交通網計，大波士頓橫跨麻省六縣，包括Essex、Middlesex、Norfolk、Suffolk、Plymouth以及Worcester。另外亦包括全個羅德島同部份New Hampshire，咁就變成美國第五大區。

波士頓

波士頓國王禮拜堂（King's Chapel）

1630年，英國清敎徒來到Shawmut半島立。去到十八世紀，波士頓就變成美國革命嘅舞臺，有出名嘅波士頓大屠殺同波士頓茶會兩件大事。革命初期戰事，波士頓同周圍有Bunker山之戰同波士頓之圍。此後，波士頓不斷壯大，一路填地，一路吞併，遠超原有半島。美國獨立之後，波士頓變成大埠，亦係工業重地。佢咁嘅經歴，每年都引到1630萬遊客到城。美國史中，波士頓有唔少美國之首，好似首間公立學校，1635立嘅波士頓拉丁學校（Boston Latin School），同埋首套地鐵。

波士頓城內城外，都有唔少學府大學，所以高等敎育集中地，亦係醫學中心。個城經濟靠研究、電子、機械、金融同埋高科技，尤其係生物技術。個城生活水平愈來愈高，美數之中，數一數二，令窮人就難以負擔。之不過，佢係仍然係世界上，高踞最住得人排名。

2013年4月15號波士頓馬拉松受到恐怖襲擊，造成至少3人死，176人受傷，其中一個死者係中國留學生。

波士頓喺2016年12月7號成功攞咗第三屆廣州國際城市創新獎。

出面網頁

• 波士頓市政府網頁