月光奏鳴曲

《月光奏鳴曲》（英文：Moonlight Sonata），正式嘅名係《C♯ 小調第 14 號鋼琴奏鳴曲》（英文：Piano Sonata No. 14 in C-sharp minor）係一首由貝多芬喺 1801 年作好嘅鋼琴奏鳴曲。

月光奏鳴曲俾人覺得算係一首幻想曲。噉係因為月光奏鳴曲喺形式上有別於當時嘅奏鳴曲：月光奏鳴曲同一般嘅同期（18 世紀尾同 19 世紀初）奏鳴曲一樣分三段樂章；不過喺（例如）速度上，月光奏鳴曲第一段樂章速度慢（60 bpm）、第二段速度極快（203 bpm）、而第三段速度快得嚟（153 bpm）俾人形容係「好似風暴噉」，而呢樣嘢有別於當時奏鳴曲比較興用嘅快-慢-快形式。