黃瓜
(由Cucumber跳轉過嚟)
呢篇文講嘅唔係黃瓜菜。
黃瓜(粵拼:wong4 gwaa1;學名:Cucumis sativus),又叫青瓜(注意「青」字嘅讀音,ceng1 gwaa1),係葫蘆科蜜瓜屬嘅一年生草本藤木植物,原產地喺印度,而家喺全世界都可以搵到。
黃瓜 | ||||||||||||||
---|---|---|---|---|---|---|---|---|---|---|---|---|---|---|
喺街市入面買到嘅黃瓜
黃瓜嘅花
| ||||||||||||||
物種分類 | ||||||||||||||
| ||||||||||||||
Cucumis sativus L. |
史 編輯
黃瓜係起源於印度,已經種咗超過三千年。後來黃瓜由印度,廣泛傳播到古希臘、古羅馬以及中國。中世紀時黃瓜喺歐洲被普遍種植,到十四世紀重俾西班牙人帶到美洲。
樣 編輯
黃瓜嘅莖上面有好多毛,入面好多汁;葉嘅外觀有3~5枚裂片,有絨毛覆蓋住;花色一般係黃色,公乸唔同樹兼唔同花,花冠好似個鐘噉,朝早開,晚黑閂埋,其中花乸識結果。果好似啲棍或圓筒噉,但好容易彎曲同畸形,表面有刺毛。
用途 編輯
黃瓜有好多用途。因為佢有可以抑制糖類轉成脂肪嘅物質,可以畀啲有肥胖傾向嘅人減肥。通常黃瓜都係用嚟做配菜,好似西菜都係用嚟做沙律。而中菜通常都係用嚟做炸醬麵,而熟咗嘅瓜(叫做「老黃瓜」)重會攞嚟煲湯。另外,黃瓜重有好多生物活性酶,可以促進肌體代謝。所以鬼佬地區好多地方都有用黃瓜嚟做化妝品。重有,黃瓜重可以做冇毒嘅驅曱甴藥同做藥用植物都得。
藥用價值 編輯
維基百科嘅醫學類文章只係提供參考,並唔係醫療意見。 閣下如果有任何關於健康嘅問題,請諮詢專業醫護人員。 |
黃瓜可以醫心煩、口渴,喉嚨痛、火眼,俾火瘌嚫嘅嘢。
相 編輯
植株 編輯
用途同經濟 編輯
有關嘅書 編輯
- 中国少年儿童百科全书 自然·环境 第402-403页 浙江教育出版社 ISBN 7-5338-1946-2/G·1942
- 薛聪贤 著. 《台湾蔬果实用百科第一辑》. 薛聪贤出版社. 2001年. ISBN 957-97452-1-8.
出面網頁 編輯
- 黄瓜(原变种) Cucumis sativus 中国植物志
- 黄瓜 太平洋亲子网
- 黄瓜 天天美食