DAW

DAW（粵拼：do1，英文全名：digital audio workstation），又有譯做數碼音響工作站，係一種專業錄音同混音用嘅應用程式，主要係用演算法代替混音器、效果器（effect pedals）、EQ 等等嘅電子器材，如果有唔識扮嘅電子器材，好多時可以有外掛組件可以用。

典型嘅 DAW 畫面，畫面上面嘅掣，好多係照抄佢模擬嘅電子器材

用 DAW 做混音嘅流程主要係每種樂器或者人聲嘅部會係一個獨立嘅聲道，喺 DAW 入面用演算法混音，好處係如果某個聲道發現有問題，只要有問題嘅嗰部錄過就得，甚至可能可以喺 DAW 入面執就得，唔使搵齊成隊樂隊再夾時間成首歌錄過。

樂器或者咪駁 DAW 仍然要用輸入裝置，通常係錄音卡。