Don(葡萄牙文:Dom,直譯:當),係一個尊稱,多數響西班牙意大利葡萄牙克羅地亞用,響以西班牙文做官話嘅地方比較常見。女性化就叫Dona

「Don」唔係一個銜頭,純粹係一個稱呼。

編輯

Don嘅意思就係「Lord」(中文:貴族)咁解,由拉丁文Dominus演變過嚟。Dominus最先響中世紀時代出現,源自羅馬共和國,開頭係對一啲神職人員或者上流貴族嘅尊稱,同時一啲有勢力嘅人都可以得到呢個稱呼。平民響當時係唔可以用呢個稱號。

用途 編輯

依家用途都開始廣泛,唔再局限於身份同地位;有啲似英文「Mr」(Mr可以唔跟名,但Don就一定要)。呢點就取決於當事人嘅諗法。有幾種常見情況會用「Don」:

  1. 出於尊重
  2. 想畀人一種親切嘅感覺
  3. 對有高成就嘅人
  4. 老人家面前
  5. 諷刺人地

特別要注意嘅係,「Don」一定要加響名之前。例如一個叫Carlos Rocasolano嘅人,如果你想用尊稱,可以叫佢做「Don Carlos」或者「Don Carlos Rocasolano」。如果真係唔想叫佢個名,呢種情況下可以叫佢做「Mr. Rocasolano」;但唔好叫佢做「Don Rocasolano」,因為呢個係粗魯嘅叫法,有笑人哋嘅意思。

應用 編輯

西班牙小說《唐吉訶德》(Don Quijote)個「Don」,正正就係對小說主人翁嘅尊稱而唔係佢個名,所以有啲人會將小說個名譯做《吉訶德大人》。