交易所買賣基金

交易所買賣基金（英文：Exchange-traded fund，簡稱 ETF），或者叫交易所交易基金，係一種可以喺證券交易所度買賣嘅開放式基金，投資人可以透過ETF參與指數嘅表現。

ETF將指數變成證券嘅形式，投資人唔直接買入一籃子嘅股票，而係透過持有代表指數標的股票權益嘅憑證嚟間接投資。ETF嘅發行機構會將可以追蹤指數嘅股票投資組合委託比受託機構保管，作為實物擔保，然後分割成好多低價嘅投資單位（即ETF），俾投資人買賣，喺交易所度掛牌交易。ETF發行後，投資人可以向發行機構申請創造或贖回ETF。當創造ETF嘅時候，投資人要將同樣指數嘅一籃子股票同等價嘅股利存入受託機構，然後受託機構就會發行相應數量嘅ETF俾投資人。贖回ETF嘅時候，投資人可以將持有嘅ETF換成指數嘅成分股票。而係台灣嘅話，都通常稱為「指數股票型基金」。

種類

相反 ETF：指個 ETF 係專登設計到同件資產嘅價成反比嘅，如果價跌佢就會賺；要理解呢樣嘢嘅原理，可以舉個簡化例子—想像個 ETF 嘅管理者預金價嚟緊會跌；佢然後用期貨嘅方式，講好會喺一個月後將手持嘅金賣畀阿明，講定咗之後，佢跟手就將手持嘅金賣畀阿偉，得到 X 咁多錢；而等到臨要交貨畀阿明之前，位管理者就再使 Y 咁多錢買一啲金返嚟，用呢啲金交貨；如果金價喺呢段時期之間跌咗，Y 嘅數值會細過 X —位投資管理者就成功幫個基金賺咗錢。

睇吓

• 投資黃金