Ensignbus英國雅息士郡Purfleet一間公司。佢專做二手巴士買賣、開篷觀光巴士業務,並喺雅息士郡經營幾條巴士線,有時亦會派巴士去做鐵路替代服務。另外佢亦有一個巴士博物館,主要收藏前倫敦巴士。

Ensignbus擁有嘅一架巴士
新加坡一架City Sightseeing巴士

Ensignbus喺1972年成立,初時主要接第啲公司嘅巴士服務合約。1979年,倫敦運輸局開始提早淘汰旗下嘅丹拿/利蘭Fleetline,喺往後幾年Ensignbus自己一間公司接咗其中近2000架,自此開始佢嘅二手巴士買賣業務。大部分經過檢查同埋所需嘅改裝之後就賣出去畀其他巴士公司,有啲更運咗出口。

1980年代,Ensignbus開始喺倫敦經營開篷巴士業務,後來Ensignbus收購London Pride Sightseeing並將佢發大嚟做。經過激烈競爭,去到1998年Ensignbus賣London Pride Sightseeing嗰時,喺倫敦經營開篷觀光巴士業務嘅差唔多只淨番London Pride Sightseeing同埋大巴士公司

同樣喺1980年代,Ensignbus開始經營倫敦嘅合約巴士線,1990年Ensignbus將倫敦合約巴士業務賣畀香港北海集團並改叫Ensign Citybus(後來改叫首都城巴,Capital Citybus。家下係倫敦Tower Transit嘅一部分)。1998年開始,Ensignbus再次經營倫敦合約巴士線,但Ensignbus喺1999年將佢賣咗畀Town and Country Buses。

1998年,Ensignbus設立新牌子City Sightseeing,喺世界多個地方開展開篷觀光巴士業務。呢啲業務之中,有啲係Ensignbus自己擁有,有啲係由第啲公司買個經營權嚟做。喺City Sightseeing業務擴充期間,Ensignbus喺2000年買返London Pride Sightseeing,2001年London Pride Sightseeing同Arriva旗下嘅The Original London Sightseeing Tour(The Original Tour)合併。2002年,Ensignbus收購City Sightseeing嘅競爭對手Guide Friday。2011年初,Ensignbus將City Sightseeing賣畀西班牙City Sightseeing Worldwide SL,但就留番City Sightseeing喺澳洲悉尼意大利同埋美國華盛頓特區嘅業務。

2004年開始,Ensignbus喺雅息士郡開辦巴士線,往後再接多幾條巴士線,業務一路做到而家。

出面網頁