Hitscan打機用語,常用於射擊遊戲,指遊戲程式喺一個角色開火嗰陣,由把槍嗰度射束玩家睇唔到,速度近乎無限大嘅光出嚟,將同呢束光相交嘅嘢定為「俾呢個角色打中咗」。用 hitscan 嘅武器嘅子彈好似激光噉,唔需要時間飛去打中嘅嘢嗰度,但有好多射擊遊戲都會為求真實,將子彈設成具有有限嘅速度,而唔係用 hitscan。