《L風暴》（英文：L Storm），中國大陸叫《反貪風暴3》，係2018年上畫嘅港產片，亦係繼《Z風暴》同《S風暴》後「風暴系列」嘅第三集作品，由古天樂、張智霖、鄭嘉穎、栢天男、鄧麗欣、謝天華、張繼聰、譚耀文、盧海鵬、廖啟智、蔡瀚億、陳庭欣、張松枝、陸駿光、鄒文正、夏嫣、馮雷、丁海峰、李昕岳主演，林德祿執導。故仔講香港廉政公署同聯合財富情報組查緊嘅一單貪污同洗黑錢案。套戲之後有續集《P風暴》。
