LGBT 保守主義

LGBT 保守主義（粵拼：LGBT bou2 sau2 zyu2 ji6；英文：LGBT conservatism）泛指 LGBT 社群當中存在嘅保守主義。自從 1970 年代（西方 LGBT 社群權利運動啱啱起步）起，西方世界經已有公開表態支持保守主義嘅 LGBT 人士，呢啲人士可以係持有社會或者經濟等方面偏保守嘅信念；喺廿一世紀前，西方社會嘅 LGBT 團體主流傾左，政治上傾右嘅 LGBT 人士好多時因為怕受呢啲團體排斥，而喺政治上唔表態^[1]，不過到咗 2010 年代初，西方社會唔少人開始對左派反感，而 LGBT 社群都多咗持有保守主義政見嘅人士^[2]，呢啲人士有喺 YouTube 等嘅平台上表達自己嘅政見，而且仲有一定人氣，例子有男同性戀者布拉當·斯塔拉卡（Brandon Straka）喺紐約發起行動呼籲 LGBT 人士遠離左派嘅美國民主黨（Democratic Party）^[3]以及出名喺 YouTube 拍片討論 LGBT 相關議題嘅跨性別者布拉莉·維慈（Blaire White）^[4]等等。

有一份喺英國做嘅調查發現，喺 2015 年，有 26% 嘅英國 LGBT 人士支持傾右嘅保守黨（Conservative Party），同對上一次大選比起上嚟多咗成 5%，而同時傾左嘅工黨（Labour Party）喺英國 LGBT 人士當中嘅支持率係 26%，同對上一次大選比起上嚟跌咗 2%。而所有政黨加埋嘅話，右派政黨總體喺 LGBT 社群嘅支持率高過左派，係嗰個調查開始咗 10 年以嚟頭一次 LGBT 社群傾向撐右派多過撐左派^[5]。

睇埋

LGBT

參考資料

↑ For Gay Conservatives, the Trump Era is the Best and Worst of Times. The New York Times Magazine.
↑ Gay Journalist Leaves The Left Behind And Embraces A 'Brand New Conservative'.
↑ Meet Brandon Straka, a gay former liberal encouraging others to #WalkAway from Democrats.
↑ Solis, Marie (November 21, 2017). "How did a transgender YouTube vlogger become a conservative darling?". Newsweek.
↑ Rhoden-Paul, André (23 March 2015). "Tories draw level with Labour in winning gay vote". – via www.theguardian.com.

[1] For Gay Conservatives, the Trump Era is the Best and Worst of Times. The New York Times Magazine.

[2] Gay Journalist Leaves The Left Behind And Embraces A 'Brand New Conservative'.

[3] Meet Brandon Straka, a gay former liberal encouraging others to #WalkAway from Democrats.

[4] Solis, Marie (November 21, 2017). "How did a transgender YouTube vlogger become a conservative darling?". Newsweek.

[5] Rhoden-Paul, André (23 March 2015). "Tories draw level with Labour in winning gay vote". – via www.theguardian.com.

[1]

[2]

[3]

[4]

[5]