Mall Plus

Mall Plus係一個位於香港灣仔軒尼詩道388號1-2樓嘅商場（天樂里交界），屬於萬興行旗下物業。呢個位喺1990年代之前係「廣東大酒樓」，2000年代曾經係Neway卡拉OK天樂里分店，2013年左右結業後畀業主改裝成商場，但因位置不便，長期未能成功租出，係區內出名嘅「死場」，只能夠間中短租畀人搞下市集活動，直到2024年中終於獲長租，變成用智能家居設備做主題嘅「萬眾智能城」。

Mall Plus

2022年7月，佢哋曾經以唔可以「分租」為由，臨時取消山道文化所舉辦嘅香港人書展場地租用，結果被一啲人批評。山道文化負責人楊子俊亦指，Mall Plus一早知道佢哋嘅場地點用，法律上亦唔算分租，質疑係有政治考慮，對決定感到失望。