Marguerite Porete

瑪格麗特·波雷特（Marguerite Porete，13世紀—1310年）係13世紀嘅一位講法文嘅神秘主義者，佢亦都係《簡單靈魂之鏡》嘅作者，呢本書係一部有關基督教神秘主義嘅著作，講緊agape（神聖之愛）嘅運作。1310年經過好長嘅審判之後，佢喺巴黎因為異端邪說而被燒死喺火刑柱上，佢拒絕停止流通佢嘅書或者放棄佢嘅觀點。

今日，波雷特嘅作品吸引咗好多學者嘅興趣。就係嗰啲對中世紀神秘主義，特別係貝居安神秘主義寫作有興趣嘅人, 喺佢哋嘅研究中引用咗《簡單靈魂之鏡》。 呢本書亦被視為有關中世紀自由精神異端嘅主要文本。 對艾克哈特嘅研究顯示，佢同波雷特有好多相似嘅地方喺同上帝結合嘅思想上。 波雷特亦吸引咗啲研究中世紀女性寫作嘅人嘅興趣。