OXO
《OXO》係亞歷山大·S·道格拉斯喺1952年整嘅井字過三關電子遊戲。佢係好早期嘅電子遊戲。游戲係道格拉斯為咗劍橋大學人機互動課題而開發嘅。
| OXO | |
|---|---|
 | |
| 類型 | 益智遊戲 |
| 平台 | 延遲存儲電子自動計算器（EDSAC） |
| 設計師 | 亞歷山大·S·道格拉斯 |
| 模式 | 單人 |
| 發行日期 |
|
《OXO》係喺延遲儲存電子自動計算器(EDSAC) 上面編寫嘅。EDSAC係最早期嘅儲存程序電腦，可以讀取同寫入儲存器。部機有三塊小型顯像管屏幕，用嚟指示儲存器狀態；道格拉斯重新定義咗一塊屏幕，令佢可以向用戶顯示其他信息，例如井字過三關嘅遊戲狀態。遊戲完成目的之後被廢棄，後來又重建翻。
《OXO》同克里斯托弗·斯特雷奇同期嘅西方跳棋遊戲，係已知最早用電子屏幕顯示圖像嘅遊戲。根據某啲定義，佢哋就係最早嘅電子遊戲，而一啲電子遊戲嘅定義要求有畫面活動或者實時更新，咁樣《OXO》就唔算係電子遊戲。
歷史
編輯.jpg)
延遲儲存電子自動計算器(EDSAC) 由1946年起喺劍橋大學數學實驗室到開工，1949年5月6號運行第一個程序[1][2]，而到1958年7月11號仲用緊[3]。EDSAC體積有成間房咁大，係早期嘅儲存程序電腦，佢嘅儲存器可以讀取或者寫入；電腦有3個35×16點陣顯像管(CRT)，用嚟指示儲存器狀態[4][5]。亞歷山大·S·道格拉斯係數學博士候選人，論文主題係人機互動，用一塊機器屏幕向用戶傳遞其他信息；他選擇透過顯示遊戲當前嘅狀態嚟做到這一點[6][7]。
道格拉斯用EDSAC模擬井字過三關（又叫「圓與叉」） 遊戲，並用屏幕顯示遊戲狀態。同其他早期電子遊戲一樣，道格拉斯完成任務之後就拋棄咗個遊戲[4]。道格拉斯除咗「圈與叉」之外無為遊戲改名；幾十年後，電腦史學家馬丁·坎貝爾-凱利製作EDSAC模擬文件嘅時候，第一次用「OXO」呢個名[8]。喺《OXO》完成嘅差唔多同時，克里斯托弗·斯特雷奇加強咗1951年編寫嘅初版西方跳棋程式，並移植佢到Ferranti Mark 1上面，用顯像管顯示遊戲狀態[9][10]。《OXO》同斯特雷奇嘅西洋跳棋係已知最早用電子屏幕顯示圖片嘅遊戲，但兩個邊個先就唔知[7]。《OXO》喺電腦設備上運行並顯示圖像，按部分定義係最早嘅電子遊戲[11]，但亦都有定義要求有圖像活動或者連續更新，《OXO》就唔滿足標準[12]。
遊戲
編輯用戶喺每局遊戲入面，都同行法完美嘅人工智能玩井字過三關。玩家用轉輪撥號電話輸入落子棋位嘅編號，然後電腦行棋。雙方嘅行法會喺屏幕到顯示，而圖像只會喺遊戲狀態變化嘅時候更新[8]。由於EDSAC唔郁得，因此從未向公眾公開，只有獲得許可先可以喺劍橋大學數學實驗室玩，電腦同遊戲都只用於學術研究 [13]。
參考文獻
編輯- ↑ Wilkes, M.V. (January 1997). "Arithmetic on the EDSAC". IEEE Annals of the History of Computing (英文). IEEE. 19 (1): 13–15. ISSN 1058-6180. 原著喺2014-12-07歸檔. 喺2016-01-21搵到.
{{cite journal}}: Unknown parameter|dead-url=ignored (|url-status=suggested) (help) - ↑ "Pioneer computer to be rebuilt". Cam (英文). University of Cambridge. 62: 5. 2011. 原著喺2019-04-26歸檔. 喺2016-01-21搵到.
{{cite journal}}: Unknown parameter|dead-url=ignored (|url-status=suggested) (help) - ↑ "EDSAC 99: 15–16 April 1999" (PDF) (英文). University of Cambridge Computer Laboratory. 1999-05-06. pp. 68–69. 原著 (PDF)喺2020-09-26歸檔. 喺2013-06-29搵到.
{{cite web}}: Unknown parameter|dead-url=ignored (|url-status=suggested) (help) - ↑ 4.0 4.1 Donovan, Tristan (2010-04-20). Replay: The History of Video Games (英文). Yellow Ant. pp. 1–9. ISBN 978-0-9565072-0-4.
- ↑ Campbell-Kelly, Martin (2001). "A Tutorial Guide to the EDSAC Simulator" (PDF) (英文). University of Warwick. 原著 (PDF)喺2015-12-22歸檔. 喺2015-12-18搵到.
{{cite web}}: Unknown parameter|deadurl=ignored (|url-status=suggested) (help) - ↑ Kurosu, Masaaki, 編 (2014-06-09). Human-Computer Interaction Applications and Services: 16th International Conference, HCI International 2014, Heraklion, Crete, Greece, June 22-27, 2014, Proceedings, Part 3 (英文). Springer Publishing. p. 561. 原著喺2020-09-09歸檔. 喺2016-01-21搵到.
{{cite book}}: Unknown parameter|dead-url=ignored (|url-status=suggested) (help) - ↑ 7.0 7.1 Smith, Alexander (2014-01-22). "The Priesthood At Play: Computer Games in the 1950s". They Create Worlds (英文). 原著喺2015-12-22歸檔. 喺2015-12-18搵到.
{{cite web}}: Unknown parameter|deadurl=ignored (|url-status=suggested) (help) - ↑ 8.0 8.1 Hey, Tony; Pápay, Gyuri (2014-11-30). The Computing Universe: A Journey through a Revolution (英文). Cambridge University Press. p. 174. ISBN 978-0-521-15018-7.
- ↑ Bellis, Mary (29 March 2013). "History of Computer Chess and Programmer Dietrich Prinz". About.com. IAC. 原著喺27 April 2012歸檔. 喺4 April 2013搵到.
- ↑ Link, David (2012). "Programming ENTER: Christopher Strachey's Draughts Program" (PDF). Resurrection (英文). Computer Conservation Society (60): 23–31. 原著 (PDF)喺2019-02-14歸檔. 喺2016-01-21搵到.
{{cite journal}}: Unknown parameter|dead-url=ignored (|url-status=suggested) (help) - ↑ Wolf, Mark J. P. (2012-08-16). Encyclopedia of Video Games: The Culture, Technology, and Art of Gaming (英文). Greenwood Publishing Group. pp. 3–7. ISBN 978-0-313-37936-9.
- ↑ Kowert, Rachel; Quandt, Thorsten (2015-08-27). The Video Game Debate: Unravelling the Physical, Social, and Psychological Effects of Video Games (英文). Routledge. p. 3. ISBN 978-1-138-83163-6.
- ↑ Cohen, D. S. (20 September 2014). "OXO aka Noughts and Crosses - The First Video Game". About.com. IAC. 原著喺22 December 2015歸檔. 喺18 December 2015搵到.