PageRank

PageRank係Google公司使嘅一種算法，攞嚟對佢搜尋器啲結果入邊啲網頁進行排名嘅一種演算法。佢實質上主要係通過網頁之間嘅鏈接個數同質素，嚟分析啲網頁嘅重要性。佢個靈感嚟自論文啲影響因子，即一篇文俾人引用得愈多、佢嘅影響力愈發大。用喺網頁上高，即一個網頁俾愈發多嘅其他網頁連入，佢嘅重要性就愈發大，佢喺成個檢索結果裏便就應有愈發高嘅排位。基於噉樣嘅惗法，PageRank捉每一條連入作為對個目標網頁嘅「投票」，根據得票幾多、同埋啲舉票者個等級嚟決定得票者個等級。

一幅用百分比表示嘅簡單網絡個PageRank示意圖

上高幅圖嘅卡通版

個演算法從名於Google公司創始人之一拉里丕治（Larry Page）。Google搜尋器使佢去分析啲網頁嘅相關性同重要性，喺搜尋引擎最佳化入邊用開作為評估網頁最佳化成效嘅因素之一。

而今個算法已經唔係Google公司幫網頁排名嘅唯一演算法，之但係佢係最早又係最有名嘅演算法。