Portal:時人時事/2007年8月

2007年8月

8月29號 阿富汗塔利班今日頭尾放咗三批一共 12 個南韓人質，而家佢哋入面仲有 7 個人質，搞咗差唔多六個禮拜嘅事睇嚟可以拆得掂喇。(明報) 8月26號 美國一個 17 歲𡃁仔破咗 iPhone（圖）嘅鎖，解鎖之後，九成嘅功能用得番而乜電話卡都用到。(CNN)(BBC) 8月20號 天文學者揾到又一粒（第八粒）冇伴星嘅中子星 Calvera，離地球得嗰 250 到 1000 光年。(BBC) 8月16號 上海合作組織成員國呀頭喺吉爾吉斯首都比什凱克開會。(新華網) 秘魯首都利馬 100 公里外海 8.0 級地震，聯合國話地震整死咗 450 人，人數重升緊。 (霍士新聞) (USGS) (路透) 8月14號 中國湖南省鳳凰縣鳳大公路堤溪沱江大橋成條斷咗，冧咗落嚟，已知 36 人死，22 人傷，重有至少 23 人失蹤。(中國日報)(Yahoo news)(新華網)(BBC中文網) 國民黨總統候選人馬英九特別費案一審宣判，台北地方法院裁定佢詐領特別費同公務背信罪名唔成立。(明報) 美國玩具商美泰（Mattel）宣佈喺全球回收近 2000 萬件中國造嘅玩具，其中包括喺美國嘅 900 萬幾件。(BBC中文網) 8月13號 阿富汗塔利班組織放咗兩個南韓女人質，送咗佢地去加茲尼省嘅紅新月會。(新華網)(人民網) 中國廣東湛江市落咗 200 年一遇嘅大暴雨，湛江、茂名、梅州三個市一共 116 萬人受災。(RTHK) 8月9號 美國穿梭機奮進號載住七個太空人升空，其中女太空人芭芭拉摩根係 1986年失事嘅挑戰者號上教嘅後補。(RTHK) 8月8號 一個2.5米嘅超大嘅樂高人（Lego man）荷蘭度假村 Zandvoort 對出嘅海浮吓浮吓，互聯網用戶確定佢係幾個月前喺一個裝置藝術展展出嘅。(Reuters)(Yahoo!7News) 8月7號 一組國際天文學家揾到已知最大嘅行星，TrES-4。(BBC) 8月5號 美利堅合衆國衆議院通過乾淨能源議案（Clean Energy Bill），以求增可再生能源使用率，同埋削石油業免稅額。(BBC) 8月4號 好多個南亞國家水災，至少 240 人死，印度一千四百萬人返唔到屋企，孟加拉有七百萬人受災。(BBC)(CBC) 美國太空總署（NASA）將火星探測器「鳳凰號」用三角運載火箭喺甘迺迪太空中心成功發射。(BBC中文網) 8月2號 俄羅斯科學家喺北極海床放抵一面用鈦金屬成嘅俄羅斯國旗，話北極係俄羅斯嘅地方。多個國家話有乜搞錯呀。（新華網）(BBC) 8月1號 美國明尼亞波利斯條I-35W密西西比河大橋斷咗，至少7死30失蹤。（ABC）（當時影落嘅Video）