青少年
(由𡃁仔跳轉過嚟)
「少年」跳轉到呢度。想搵港產片，請睇「少年 (電影)」。 「𡃁妹」跳轉到呢度。想搵外號「𡃁妹」嘅香港女藝人，請睇「李綺雯」。青少年係指介乎細路同大人之間嘅年輕人，參考世界衞生組織嘅定義，青少年嘅年齡介乎10至19歲之間[1]。呢段時期經歷青春期同性成熟，啲人叫佢哋後生仔、後生女或者𡃁仔，同衣物尺碼有關嗰時叫中童，學術啲就叫青少年。
後生唔一定指年紀，有時都講心態，會講成係有衝動去實現一啲嘢，鍾意幻想，想做就做多過前思後想，鍾意冒險多過舒舒服服。
粵語俗稱
編輯粵語入面，𡃁（粵拼：leng1），或者叫𡃁仔、𡃁妹，係對十幾歲青少年人嘅俗稱，過咗童年，但又未成年，身體發育重未結束。有指「𡃁」本字係「僆」[2]或者「𨈓」[3]，原本解孖生仔[4]。
睇埋
編輯
參考
編輯- ↑ 青少年健康相關行為監測數字
- ↑ 「僆仔」不要寫成「𡃁仔」
- ↑ 《擔天望地──廣府俗語探奇》 潘永強著 香港中華書局2005-10-04初版 ISBN 962231578X
- ↑ 康熙字典 - 僆：「《集韻》力展切，音輦。雙生子也。」
 |