QR碼
QR碼（英文：Quick Response code）又叫QR code，係二維碼嘅一種，1994年由日本Denso-Wave公司嘅原昌宏發明[1]。QR係英文Quick Response嘅縮寫，即係快速反應嘅意思。QR Code比普通條碼可以儲存更多資料，亦唔需要好似普通條碼噉喺掃描嗰陣需要直線對準掃描器。
組成
編輯QR碼呈正方形，只有黑白兩色。喺其中3隻角嗰度有個好似「回」字嘅正方圖案。呢3個係幫助解碼軟體定位嘅圖案，用嘅人唔需要對準，無論以任何角度掃描，資料都可以正確噉讀取。
解讀方式
編輯利用30萬畫素以上鏡頭嘅智能電話，配搭手機裏面嘅QR碼解碼軟件，鏡頭對準QR碼大概2秒，解碼軟件會自動解讀QR碼嘅訊息，顯示喺手機螢幕上面。亦有PC版嘅QR碼解碼軟件，畀冇鏡頭嘅電腦或手機直接讀取螢幕上嘅QR碼得到相關資訊。
資料容量
編輯| QR碼最大資料容量 | |
|---|---|
| 數字 | 最多7,089字元 |
| 字母 | 最多4,296字元 |
| 二進位數（8 bit） | 最多2,953 位元組 |
| 日文漢字／片假名 | 最多1,817字元（採用Shift JIS） |
| 中文漢字 | 最多984字元（採用UTF-8） |
| 最多1,800字元（採用BIG5/GB2312） | |
主要應用項目
編輯QR碼嘅主要應用項目可以分成四類：
- 自動化文字傳輸：通常應用喺文字嘅傳輸，利用快速方便嘅模式，畀人可以輕鬆輸入例如地址、電話號碼、行事曆等，進行咭片、行程資料等嘅快速交換。
- 數碼內容下載：通常應用喺電信公司遊戲同影音嘅下載，喺帳單度印咗相關嘅QR碼資訊畀消費者下載，消費者透過QR碼畀嘅解碼，就能夠輕易連線到下載嘅網頁，下載需要嘅數碼內容。
- 網址快速連結：畀使用者進行網址快速連結、電話快速撥號等。
- 身分鑑別同商務交易：好多公司而家推行緊QR碼防偽機制，利用商品提供嘅QR碼連結到交易網站，完成畀錢程序之後系統發出QR碼用嚟做身分鑑別，應用喺購買入場券、販賣機等。消費者方面，亦開始有企業提供咗商品品牌確認服務，透過QR碼連結到統一驗證中心，去核對商品資料係咪正確，並提供生產履歷畀消費者查詢，消費者能夠更明白商品嘅資訊，除咗能夠杜絕冒牌貨，對消費者嘅購物更多咗一層保護。
出面網頁
編輯參考資料
編輯- ↑ 〈「QRコード」（株）デンソーウェーブ〉 (日文)。日本特許廳。2022年6月30日。喺2023年11月29號搵到。