呢篇文講南韓嘅原版跑男節目。想搵浙江衛視版嘅節目嘅話,請睇奔跑吧兄弟

Running Man》(韓文런닝맨)係韓國SBS電視台《Good Sunday》入面二部嘅綜藝節目,2010年7月11號啟播。響2017年正式成為獨立節目,由《Good Sunday》分拆出嚟。

初期主持人包括劉在錫池錫辰金鐘國Gary河東勳李光洙同埋宋仲基,後來陸續加入宋智孝Lizzy,但宋仲基、Lizzy同Gary都中途退出。響2017年,全昭旻梁世燦加入。去到2021年,李光洙退出。

初期嘅遊戲設定係嘉賓同班主持被鎖喺韓國地標進行遊戲,並要喺佢開始營業前逃出,經過幾輪遊戲後,最後輸咗嘅成員會被安排喺人來人往嘅地點接受尷尬嘅懲罰。2011年5月以後,取消畀輸家嘅懲罰,唔定期畀勝出者獎品,遊戲方式亦改為先去各地方進行任務,由勝出嘅成員或隊伍獲得對最終任務有利嘅提示或權力。而遊戲中最精彩嘅部份就屬緊張刺激嘅撕名牌戰。