想搵第二個意思嘅話,請睇太平山

太平山Tai-ping-shanTai Ping Shan)係香港,但範圍唔太確切。一說係扯旗山,一說香港島西北各山,包括扯旗山在內。《香港雜記》有云,太平山四約上環太平山街。太平山約莫係西營盤上環中環對上嘅山,尤其係上環。而家坊間多數用「太平山」去稱呼扯旗山

太平山區以太平山街做中軸

太平山以區域來講,大約係上環山腳一帶,以東華醫院爲中。

太平山一字,甚少形容西人地方,大抵係唐人生活範圍。太平山頂一帶,亦以扯旗山而名。後尾太平山腰,又叫半山區,而山頂一帶,又叫太平山頂。

傳說 編輯

因爲山名,來歷不明,所以坊間就有傳說。太平山同扯旗山係有段古。話說香港曾經海賊倡厥,香港島係巢穴。佢哋見有船駛近,就上山頂扯旗爲訊,通知同黨出動打劫。後尾海賊畀朝廷招安,又或被滅,咁就太平返晒,就叫太平山。

不過扯旗一說,可能另有來歷。《香港雜記》有云,「若域多厘山、則有報船之扯旗一杆。」呢度講英人見船來,就會扯旗報船,準備入港,可見扯旗山之名,由此而來。

文化影響 編輯

電視劇《太平紋身店》好多鏡頭都喺呢度取景,入面亦有一條『太平街』,但現實嘅太平山就只有一條『太平山街』而唔係『太平街』。