Talk:埠

開埠同埠仔係唔係呢個「埠」呀？如果係，個意思會擴大包括「某笪地方」...--WikiCantona (傾偈) 2011年1月15號 (六) 12:06 (UTC)

啲書話「埠」可以指近水嘅地方，我諗係由碼頭，擴大到漁村／區域，擴大到港口，甚至城市。例如啲美國老華僑，初見面時會互相問係「邊個埠來」，呢處「埠」（文讀）係指城市，答案會係三藩市、羅省、紐約、西雅圖呢一啲。而且「到埠」（白讀）亦唔再局限喺船，搭飛機來嘅，都會問佢「幾時到埠」。 -- 敦 (傾偈) 2011-01-16T05:03:26+00:00

合併或者調正wikidata

粵維現時有幾版噉嘅嘢：《埠》、《埠頭》、《碼頭》。硬係覺得呢幾版唔係該合併，就係連錯wikidata。我就唔知點算好，想聽吓大家睇法。--S7w4j9 (傾偈) 2018年9月7號 (五) 14:41 (UTC)

我覺得將呢三篇連同《碼頭 (椿柱)》四篇文，重組做三篇文，分別對應wharf、pier同port就夠，但具體點搞我都暫時無乜頭緒。--Kowlooner (傾偈) 2018年9月9號 (日) 12:13 (UTC)

今日細睇吓，我仲係唔喐佢住。似乎開文人有意以《碼頭》做總說，然後分門別類開文。噉嘅話都幾難去拆篇總說，所以我覺得篇《碼頭》併唔入嚟（所以冇人反對嘅話，我遲啲會除咗個合併模）。然後對wikidata個意思，現時嘅樣又好似已經足夠。冇諗法。--S7w4j9 (傾偈) 2018年9月10號 (一) 10:04 (UTC)

望住「古無輕唇音字例」，我就想笑，寫到篇文好似係維基辭典噉。原本諗住今日動工做翻譯，算嘞，等多一個禮拜，望吓第啲人點睇，噉先穩陣。因爲呢版內容同人哋版面一對比，太唔啱key。--S7w4j9 (傾偈) 2018年9月11號 (二) 11:55 (UTC)

算嘞，喐手做咗睇吓成點。--S7w4j9 (傾偈) 2018年9月18號 (二) 12:51 (UTC)

可疑嘅「古無輕脣」

埠嘅中古音讀boh，噉有乜理由會輕脣？三等字先會輕脣嗟，一等字輕咩脣？所以從中古音睇，埠嘅推斷粵音應該就係bou6，讀fau6，依我睇，係啲人認字讀半邊，讀錯咗，後來流傳開去，做咗約定俗成。--S7w4j9 (傾偈) 2018年9月23號 (日) 10:51 (UTC)

埠係並母字，大家可以睇《並母》一文，我啱先大略對校，未發現寫錯處。當中有關於重脣變輕脣嘅演化式，用嘅係polyhedron先生創製嘅中古拼音，可以反映出切韻音系嘅音位同佢哋嘅規律。--S7w4j9 (傾偈) 2018年9月23號 (日) 11:00 (UTC)