Talk:愛滋病

建議搬去「艾滋病」

背景

艾滋病係簡體地方特指中國大陸官方叫法，要統一漢語叫法嗎？不過，香港政府同台灣官方、醫院都係用愛滋一詞，粵語地區，繁體用戶，維基都已跟隨多年。

討論

點解開頭有句 "非洲嘅翻譯係法文：UNIKWI"? Google "UNIKWI" 都唔覺有啲 有關/有意義 嘅嘢…

翻查修改記錄，呢篇文章畀WKDx417搞過（而家佢嘅身份係PQ77wd），所以你應該知道，呢版文章寫嘅嘢基本唔可信。早話過啦，佢就係個禍害，你啲人就係唔防住佢。我查法文，法文縮寫係sida，而唔係乜嘢UNIKWI。--S7w4j9 (傾偈) 2018年1月7號 (日) 15:09 (UTC)

個名音譯自AIDS，「愛」因爲元音高化已經對唔上AI，「艾」係二等韻，可以對得上。--S7w4j9 (傾偈) 2017年12月21號 (四) 11:26 (UTC)

反對，用咗好耐好耐好耐...--WikiCantona (傾偈) 2017年12月21號 (四) 18:08 (UTC)

你個反對企唔穩喎，你話「愛滋」喺香港用咗好耐耐，噉我「艾滋」亦喺廣東用咗好耐好耐啦。--S7w4j9 (傾偈) 2017年12月22號 (五) 04:41 (UTC)

噉樣啦，強屈你哋就呢個名，你哋唔願意，強屈我哋用唔啱音嘅名，我哋亦權利受侵。噉嘞，分食，你哋港澳版嘅《愛滋病》你哋自己寫，你哋到先嘅，個wikidata畀你哋坐正，我哋兩廣版嘅《艾滋病》我哋自己經營。講明一樣，我只忠於我自己嘅母語，你哋嘅版本我唔會插手，亦唔會增善，就噉分家，各搵各食。--S7w4j9 (傾偈) 2017年12月22號 (五) 05:29 (UTC)

唉，為個小小嘅名，唔使咁大反應嘛。好歡迎你喺內文寫清楚你嘅之前嘅講法，不過，「艾」跟本就唔啱音。唔好乜乜我地，你地；分開，大家冇乜益，我哋大家係講廣府話嘅人，少少嘢都傾唔掂，畀人哋笑。噢，人哋就真係叫《艾滋病》啦。--WikiCantona (傾偈) 2017年12月22號 (五) 23:53 (UTC)

但亦都咪用下下「我哋」然後將唔係我哋嘅嘢加落我哋身上。

要講人哋，臺灣佬發明嘅名先真係人哋。退步講，兩邊用嘅名都係人哋，要怪就怪我哋都唔爭氣。

唔爭氣就算啦，合用就用，唔合就棄，就係咁簡單。但對音唔啱都夾硬講成啱，仲死抱唔放，噉啊，祝你幸福。

用名有歷史成因，港澳用開嘅名我唔改，但唔該亦要畀我哋用自己嘅名。該分就分，可合則合。用「我哋」之名行霸道之事，不過招人厭耳。

觀乎近來，有廣西勾漏片嘅人來寫，研究技術，轉換唔可行，只可能開分版，可以講，開分版係未來粵維勢必行嘅事。噉咪順便用分版解決埋地區用詞唔同嘅問題。何況，粵維噉就又增長多一篇文章，何樂不爲？

認啦，我哋同你哋唔一樣㗎，你哋有你哋嘅前程，我哋有我哋嘅幸福。各自努力，亦係共同繁榮。

退一萬步講，我喺題爲《愛滋病》嘅文章度寫我自己用語《艾滋病》，你介唔介意夾花。你唔介意，人哋呢？「內地人都係畀普通話洗腦」，你哋呢下最叻㗎啦。分兩版啦，一天光曬。--S7w4j9 (傾偈) 2017年12月23號 (六) 10:34 (UTC)

如果一版要用另一套拼音或者語法寫，分版都話可以考慮下；但而家純粹只係「愛滋病」同「艾滋病」一字之差，都要分版嘅話，就係一場鬧劇。除咗分版，根本有大把更合理嘅解決方案可以考慮，譬如同時放棄「愛滋病」同「艾滋病」，改用學名「後天免疫力缺乏症」做標題。--Kowlooner (傾偈) 2017年12月24號 (日) 13:00 (UTC)

可以，噉就用學名。但係，我呼籲一聲，冇再阻撓開地區跳轉喇，承認差異啦，否則，只會玩成零和遊戲咋。--S7w4j9 (傾偈) 2017年12月24號 (日) 13:05 (UTC)

@WikiCantona：而家有建議用「後天免疫力缺乏症」，唔知你有冇異議？SC96 (傾偈) 2017年12月29號 (五) 12:26 (UTC)

反對搬版。反對開兩版。反對用粵文學名。反對用英文學名。只支持用『愛滋』/『愛滋病』。我都係廣州人，聽人講起呢個病，讀法係 愛滋 >>>> A士 > 艾滋。艾滋係極少有聽到。我估係因為呢啲人第一次接觸呢個病係由中國大陸刊物，而非談論/粵語新聞，先會噉讀。香港讀愛係人都知。北美亦係讀愛，可以上youtube睇voacantonese頻道蒐愛滋病，新聞都係愛。至於廣東咯喎，以youtube搵得到嘅新聞來睇，廣東係講北方話嘅，因為我真係一條關於愛滋病嘅非香港非北美嘅影片都搵唔到，廣東電視台嘅新聞冚嘭冷都係北方話廣播。愛艾都對唔上發音掛，係ei1音喎。--Roy17 (傾偈) 2018年2月21號 (三) 19:53 (UTC)

我都反對，因為「愛滋病」呢三個字喺廣東自從有港產片流行之後，一直保留咗呢個講法。--PQ77wd (傾偈) 2017年12月21號 (四) 22:27 (UTC)

嗱，冇話我唔畀時間你哋嘞，我都知阻力大，要慎重，我嘅睇法呢，學名似乎仲尚且有地區差別，不妨用《AIDS》做題，我哋呢度用得字母做注音工具，字母做得題嘅，呢個亦有先例，至於鍾意讀愛讀艾，就各隨各便。一個禮拜後冇聲響，噉我就搬《AIDS》做題喇。@User:WikiCantona User:Kowlooner User:SC96。--S7w4j9 (傾偈) 2018年1月14號 (日) 11:01 (UTC)

唔好意思，忙。兩條友反對，好明顯，一般情況，都係唔搬。雖然 User:S7w4j9 再一次爆對地區差別嘅激氣，我明（有一位用戶，將 Airbus 叫做空中客車，多數用廣東話嘅地方都空中巴士，我唔鐘意，不過，因為佢好用心寫嗰啲文，亦喺內文講咗唔同地方嘅叫法，所以由得佢），呢個情況一直未解決，亦得冇乜辦法。今次點樣搞？一向做法係原封不動。不過，都希望有個好啲嘅方法。（改做 AIDS 唔係太好，有用開嘅點解唔用？）--WikiCantona (傾偈) 2018年1月20號 (六) 03:36 (UTC)

講穿佢，一個字，拖，拖到冇曬符，就當問題唔見咗。我確實冇你哋符，算嘞，呢篇嘢我放棄監管，寫成點，爛成點我唔再理。--S7w4j9 (傾偈) 2018年1月21號 (日) 10:51 (UTC)

問題："地區差別"一直喺度。解決：地區轉換。呢個維基嘅街坊冇共識，有支持有反對。最重要嘅：有 technical-know-how 嘅人冇人有興趣／想搞。所以，你講得啱：一個拖字。--WikiCantona (傾偈) 2018年1月21號 (日) 11:49 (UTC)

我反對地區轉換。只要係粵語詞彙，多數粵語者都睇得明嘅，唔涉及專業知識、專有名詞嘅，編者用邊個都冇所謂。比如話eraser/rubber（英文都有唔同叫法啦），香港叫「擦紙膠」，廣州叫「膠擦」，大家都明，編者鍾意是但寫邊個都冇所謂，但係寫「橡皮擦」就唔得，因為呢個雖然每隻字粵語都讀得出，都係佢係一個其它語言（北方話）嘅詞。舉個誇張啲嘅例子，你會唔會接受，廣州地鐵嗰版，寫做廣州捷運/廣州急行電鐵啊？冇可能嘎嘛。上邊WikiCantona提到嘅「空中客車」例子，好明顯應該譯做「空中巴士」，因為如果淨系bus，你唔會叫佢做客車嘎，噉airbus有乜理由叫空中客車？叫空中巴士，簡稱空巴，你都可以明係airbus，簡稱空客個話，唔知嘅要問你，咩air guest啊？empty guest呀？

所以成件事，關鍵係個選擇，要係常用用法，同埋方便大家明，但係唔應該用其它語言嘅詞。最容易影響粵語而大家又唔察覺嘅，梗系北方話。其次就係日文咯。都冇其它用漢字嘅主流語言嘞。英文同樣有好多好多方言，亦有好多用詞唔同地區嘅習慣唔同，都只不過係喺頭一句介紹度寫，Something, also known as AA in place XX, BB in place YY, blah blah blah. 愛滋病呢條，考慮到公眾利益，同埋中國大陸受北方話嘅影響，應該喺篇文入邊寫，『又叫艾滋病』，跟住set個redirect落艾滋病，夠啦。冇理由客家佔地主，將標題改成艾，因為係搵唔到讀艾嘅例子，而讀愛嘅影音資料大把，冇可能為咗單單一啲人嘅誤讀而影響整個粵語族群嘅理解。亦冇理由改成其它漢文名/英文縮寫，都係因為公眾利益，要等盡量多嘅人明白。所以標題應該用最常用嘅愛滋，set redirect落其它名。--Roy17 (傾偈) 2018年2月21號 (三) 19:53 (UTC)

瘦猛𠱁

請問係咩意思？瘦猛猛 maang2？--Roy17 (傾偈) 2018年8月23號 (四) 09:02 (UTC)