Talk:瑪蓮勒龐

「瑪麗」同「瑪蓮」根本唔係同一個名。爾種錯譯唔可以留低。【粵語文學大使殘陽孤侠】 2017年4月26號 (三) 18:29 (UTC)

同意「瑪蓮」嘅睇法。不過，「勒賓」就好原創，「勒龐」常用，個情況似「喬治布殊」。所以要睇下大家點睇，首先打回頭。--WikiCantona (傾偈) 2017年4月27號 (四) 00:38 (UTC)

恁都唔使連「瑪蓮」嗰部份都斬草除根卦？就算退一萬步用佢個本名，都係「Marion」而唔係「Marie」。【粵語文學大使殘陽孤侠】 2017年4月27號 (四) 04:19 (UTC)

唔好咁講啦，我都話咗支持用「瑪蓮勒龐」，祇係唔支持改「勒賓」，喺未有討論之前，「瑪麗勒龐」的確大把傳媒用，還原基本步，等大家傾傾先。--WikiCantona (傾偈) 2017年4月27號 (四) 06:17 (UTC)

照我睇，呢篇我會用「瑪蓮勒龐」個標題。理由係 「瑪麗」係出自Mary或Marie個名，完全唔關Marion家族嘅事。但係「勒賓」個名我會絕對反對，因為屬原創譯名，加上「勒龐」同原文發音相差唔遠。--PQ77wd (傾偈) 2017年4月27號 (四) 08:01 (UTC)

@PQ77wd：自己用原創譯名就得其他人就唔得？裁判都落埋場踢球咩？

@WikiCantona：「瑪蓮勒龐」可以接受，但係我嘅底線係「瑪麗」唔可以留低，因為係張冠李戴——啊唔係，係「張冠愛新覺羅戴」。【粵語文學大使殘陽孤侠】 2017年4月29號 (六) 16:51 (UTC)

咁可唔可以，話有傳媒咁寫（喺內文），不過，講到明係「錯」喺邊呢？--WikiCantona (傾偈) 2017年4月29號 (六) 18:53 (UTC)

錯係一定要講明嘅。老實講，我完全唔明點解會有媒體會用「瑪麗」。負責任嘅媒體應該再三確認唔搞錯人等個名，而唔係將錯就錯。【粵語文學大使殘陽孤侠】 2017年5月4號 (四) 03:08 (UTC)

我就唔會一口咬定就話人錯，音譯嘅嘢，幾主觀，唔似似大陸，乜都要理，冇官方對照，話人「錯」企得太過。之不過，音譯係有慣例，「瑪麗」係 Mary 嘅慣譯，而「瑪莉」係 Mary 更加廣東話，地道嘅叫法。--WikiCantona (傾偈) 2017年5月5號 (五) 08:44 (UTC)

問題係：宜家人等個名唔係「瑪麗」或者「瑪莉」而係「瑪蓮」。「瑪麗」同「瑪蓮」根本唔係同一回事，「瑪麗」甚至連「瑪蓮」嘅愛稱都唔係。【粵語文學大使殘陽孤侠】 2017年5月6號 (六) 04:44 (UTC)