Talk:腓特烈師拿
Friedrich 德文音聽落似 斐喆（Fei Jit），個尾音用「勒」對廣東人講冇意思，用入聲字「喆」大至可以。「蕭勒」改「蕭那」，因為「勒」喺廣東話有「k」尾，唔得。「斐喆蕭那」用字可以傾，「捷」、「拿」、「剌」--WikiCantona (傾偈) 2014年5月25號 (日) 01:33 (UTC)
- 反對。「腓特烈」係Friedrich伊個名嘅傳統譯法（例如Friedrich I同Friedrich der Große就分別譯成「腓特烈一世」同「腓特烈大帝」），而且同德文發音/ˈfʀidʀɪç/唔算相差太遠；至於「那」同埋「拿」，讀音都係naa，讀成laa純粹係因為懶音作怪，另外用「勒」字來譯/lǝ(ʁ)/都唔係無先例（例如巴亞勒）。【粵語文學大使殘陽孤侠】粵維辭典起錨！ 2014年5月27號 (二) 20:36 (UTC)
Schiller嘅第一個音節譯「斯」好過「蕭」。Wil送 2014年5月28號 (三) 00:01 (UTC)
- 首先音標[fʁiːdʁɪç ˈʃɪlɐ]]（取自英文維基）。就我嘅譯音原則，有名嘅照搬（話時話，席勒喺哲學史同文學史都好緊要喎，唔知可唔可以照搬？──當然因爲我嘅知識架構令我覺得佢好有名），要自己譯時會參攷中文譯名來揀字。可惜「弗里德里希·席勒」無隻字符合。
- Friedrich係比較常用嘅德文人名，話沿用「腓特烈」講得過去（又確實有先例）。如果要追究起音似，就隻「烈」字唔似，或者可以變成「士」做「腓特士」。
- 至於Schiller，「蕭勒」兩隻字我認爲都唔得。正如上面嗰位講嘅，譯成「斯」之類嘅音會好過，若然考慮到舊時舌尖舌葉音嘅發音習慣、又想安個唐姓嘅話，譯成「師」點樣？
- 至於「勒」，我睇咗下上面嗰位所謂嘅「先例」，巴亞勒嗰篇嘢正正就係呢位阿生開嘅，我會覺得呢個「先例」說服唔到我囉。
- 若然講譯成「那」「拿」，確有懶音之嫌，不過諸如「拿鐵」都有定例，又係可以考慮噉譯，祗不過我認爲應該將佢排後來參攷。譯成「剌」點樣？若嫌唔好睇，先再譯成「拿」。
- 所以我自己譯，就會係：「腓特烈·師剌」（← 師剌 好似幾㓤眼。）--S7w4j9 (傾偈) 2014年5月28號 (三) 04:54 (UTC)
- 要註意嘅係，「n」「l」 唔分所謂嘅懶音，喺粵方言之中，圍頭話、疍家話、香山話、順德話係「n」「l」唔分。當然，用正中西關廣州音，「n」「l」唔分係懶音，香港音給收圍頭話音，所謂嘅懶音，係有得拗。其實我唔明嘅係，「腓特烈」可以因為「唔算相差太遠」就得，而「拿」同「la」個頭音唔同就唔得？！譯音淨係譯講子音，唔睇個調同入聲（t, k 尾音）；「拿」雖然個子音係錯，不過個調係 4，同個原本個「調」好啱，用「剌」啱子音，不過，係第一聲，高咗出嚟，好核突。「勒」就唔洗講啦。--WikiCantona (傾偈) 2014年5月28號 (三) 05:35 (UTC)
- 其實西關音唔分㗎，西關啲音受南海音影響過。廣州話入面識分嘅係城內音。另外所謂懶音，各位可以睇我朋友呢篇文章《關於粵語正音、懶音、鄉下音、正宗》，我就唔多講喇（呢篇文章偏學術，有啲人會睇到眼瞓）。
- 所以譯成「拿」，可以。--S7w4j9 (傾偈) 2014年5月28號 (三) 07:03 (UTC)
- 粵語有啲方言唔分，唔代表全世界所有語言都唔分。粵語部分方言可能唔分/n/同/l/，但係德文絕對係嚴格區分嘅。例如「licht」係「輕」，「nicht」係「唔」。喺可以嘅情況下，盡量用唔同嘅字來對應唔同嘅外文音節，我認為係合理嘅。【粵語文學大使殘陽孤侠】粵維辭典起錨！ 2014年6月9號 (一) 14:58 (UTC)
- 但係點講都好，「勒」字實在係唔顧聲韻舒促啦，「拿」譯出嘅音唔通唔接近過「勒」？--S7w4j9 (傾偈) 2014年6月9號 (一) 15:21 (UTC)
- 好多時候，最似嗰個未必一定係最好嗰個，重要考慮埋其他因素，例如音系系統、伊個字有無其他音（位）要用，等等。例如，法文、意大利文、西班牙文等嘅爆破音都係主要按清濁來分，發清濁音送氣會被人話唔正宗；但係粵語（同埋其他幾種漢語言）嘅爆破音就主要係按送氣唔送氣來分，將唔送氣嘅清輔音發成濁輔音會被人話唔正宗。（國語）翻譯界一向嘅做法，係用中文嘅送氣清爆破音來對應法/意/西嘅清爆破音、用中文嘅唔送氣清爆破音來對應法/意/西嘅濁爆破音；而如果唔適用嘅送氣/唔送氣對照字嘅話，就用兩個送氣/唔送氣字來分別對應清/濁爆破音。所以就算粵語有部份方言唔分/n/同/l/，到揀翻譯用字嘅時候，我覺得都係分返好。【粵語文學大使殘陽孤侠】粵維辭典起錨！ 2014年6月27號 (五) 01:11 (UTC)
- 但係點講都好，「勒」字實在係唔顧聲韻舒促啦，「拿」譯出嘅音唔通唔接近過「勒」？--S7w4j9 (傾偈) 2014年6月9號 (一) 15:21 (UTC)
- 粵語有啲方言唔分，唔代表全世界所有語言都唔分。粵語部分方言可能唔分/n/同/l/，但係德文絕對係嚴格區分嘅。例如「licht」係「輕」，「nicht」係「唔」。喺可以嘅情況下，盡量用唔同嘅字來對應唔同嘅外文音節，我認為係合理嘅。【粵語文學大使殘陽孤侠】粵維辭典起錨！ 2014年6月9號 (一) 14:58 (UTC)
S7w4j9話個「烈」字唔似音，其實係Friedrich嘅「rich」。Wil送 2014年5月29號 (四) 13:05 (UTC)
- 失驚無神用乜鬼嘢襪公仔嗟？嫌未搗夠亂啊？【粵語文學大使殘陽孤侠】粵維辭典起錨！ 2014年6月9號 (一) 14:58 (UTC)
- Wilson變咗「Wil送」。Wil送 2014年6月27號 (五) 01:15 (UTC)