Talk:艾寧頓

改名

大家好，Accrington有/k/音，請問要譯「渥靈頓」，「渥榮頓」定係「渥炯頓」？À la 雞 (傾偈) 2014年5月1號 (四) 12:05 (UTC)

建議譯爲「渥榮頓」。--S7w4j9 (傾偈) 2014年5月1號 (四) 13:34 (UTC)

「厄靈頓」或者「厄古靈頓」得唔得？因為個「渥」字同「榮」字有其他音（例如「渥太華」（Ottawa）個「渥」同埋「亞榮」（Irwing）個「榮」）要用。【粵語文學大使殘陽孤侠】粵維辭典起錨！ 2014年5月1號 (四) 21:21 (UTC)另外，凡係À la 雞提議嘅我都唔支持。

「厄古靈頓」就無謂啦，既然有「厄」字自帶「-k」，就無必要再寫個「古」，呢個有粵音翻譯傳統嘅，北話無計先至將音尾獨立成字嗟。「厄靈頓」亦可以。

講起粵音翻譯，可能你認爲要睇源語言嘅語音結構啦，我就認爲以音似優先，再考慮呢個結構。我覺得無必要將譯音用字鎖死，譯時諸君斟酌下就得啦，我反而覺得而家普通話音譯問題在於鎖死用字，一堆「巴斯特爾克」，成串時有種「唔係中文」嘅感覺。

當然取字上有依歸，我認爲睇中維翻譯，粵音優先前提下，對應部分有啱用嘅字就揀，無就據傳統自己譯。--S7w4j9 (傾偈) 2014年5月2號 (五) 09:37 (UTC)

根據上面我提嘅原則嘅話。中維譯「阿克寧頓」，「阿克」就無謂啦，用個入聲字-k「渥」或「厄」去譯啦；「寧」n、l唔分，「榮」係音似，「靈」亦似，考慮到語音構造，用「靈」啦；「頓」嘅話無問題，可用。考慮到「厄靈」個字面會聯想到「惡靈」之類嘅嘢，所以歸納起身，「渥靈頓」--S7w4j9 (傾偈) 2014年5月2號 (五) 09:43 (UTC)

「厄靈頓」或者「厄凌頓」都得。À la 雞 (傾偈) 2014年5月2號 (五) 13:24 (UTC)

「渥」或「厄」都短而速，上面嘅譯法，美國音一定啱。英國人會放慢嚟講，加埋個調，聽起嚟似「啊」或「艾」，所以唔改亦無不可。--WikiCantona (傾偈) 2014年5月3號 (六) 03:05 (UTC)

可惜個「寧」字唔似。À la 雞 (傾偈) 2014年5月3號 (六) 12:05 (UTC)

「寧」聲母n，「靈」聲母l，「榮」聲母w，三個其實相差唔遠，講似我個人覺得「榮」最似。不過香港都有人會用「艾寧頓」，既然唔係相差太遠，其實唔一定要改。--Kowlooner (傾偈) 2014年5月3號 (六) 14:23 (UTC)