Talk:艾薇兒

又係值得討論嘅問題喇

如估按照粵語譯音嚟譯嘅話，「艾薇兒」呢三個字絕對係北話。請問負責搬去「艾薇兒」嗰度嗰位，唔知個名有冇證明話用咗好耐？如估冇證明嘅話，我完全可以喺一個禮拜之後搬返去阿夫里爾·拿穎嗰度。--CRCHF (傾偈) 2015年2月20號 (五) 07:12 (UTC)

雖然「艾薇兒」係源自北話，但唔可以否認係粵語圈用開嘅譯名。我頭先Google「阿夫里爾·拿穎」，搜尋結果只有呢度用過。如果真係嫌「艾薇兒」北話，與其用一個無人用過嘅原創名，不如用返原名Avril Lavigne好過（香港唔少中文傳媒都無譯呢個名，就咁用「Avril Lavigne」就算）。--Jason6698 (傾偈) 2015年2月20號 (五) 14:35 (UTC)

估計香港媒體都俾北佬洗咗腦喇。大佬，呢度係粵文維基百科，唔係香港維基百科。其實原創譯名喺其它語言嘅維基一樣都出現過。如估個譯名有病毒譯音，加上佢眞係嗰個地方嘅常用譯名就應該喺文章入面寫清楚（因為搜索引擎都可以搵到）。--CRCHF (傾偈) 2015年2月24號 (二) 23:51 (UTC)

我記得以前睇《南方都市報》娛樂版都係照用「艾薇兒」。【粵語文學大使殘陽孤侠】支持全面中止IP用戶編輯權 2015年2月25號 (三) 01:13 (UTC)

雖然話好多媒體都話用「艾薇兒」，如估係常用譯名但佢係北話或病毒譯音嘅話，應該講常用譯名放喺文章入面寫清楚，而唔係用佢嘅常用名嚟做老細。如估係北話嘅譯名嘅話去中文維基百科發就算喇。我建議Jason6698呢位最好去研究吓啲外文嘅發音半年先至再嚟。--CRCHF (傾偈) 2015年3月4號 (三) 00:48 (UTC)

搬去阿夫里爾·拿穎

睇完上面呢啲討論，可以噉總括：

1. Avril Lavine係英文，艾薇兒係普通話譯音，兩個都唔係粵語。雖然大家都同意「艾薇兒」係折衷方案，但佢唔係啱嘅文章標題。
2. 香港同廣東嘅粵語傳媒，可能受到中國北方嘅洗腦主義影響，都用「艾薇兒」，但呢個按照原文發音嚟講，唔符合粵語嘅用法。Google搜尋大家拗唔掂數，亦有其他華文嘅影響，所以喺呢個討論入面作用唔大。
3. 其實冇人堅決話一定唔可以叫「阿夫里爾·拿穎」，最盡都只係Jason6698話「常用譯名」，但係佢自己都證明唔到嗰個係按照原文譯嘅粵語譯音。

結論：搬去「阿夫里爾·拿穎」似乎係最好嘅做法，因為至少係返粵語先。如估傳媒成日用嘅病毒譯音或北話譯音嘅話，應該喺文章入面寫清楚，而唔係用標題嚟做大婆。呢種有病毒譯音嘅常用譯名就夾硬套唔係原文嘅發音規則，完全係錯到離嗮大譜（有旁證）。

錯就要認

打使唔使企定可以另計。--CRCHF (傾偈) 2015年3月22號 (日) 03:41 (UTC)