Talk:英格蘭

主題：【英格蘭】定【英倫】？

我諗廣東話【英格蘭】通常過【英倫】好多，有好多人唔明【英倫】有乜野意思，估錯係【英國倫敦】。應唔應該改變呢篇嘅主題？

“英倫”同“英吉利”我從細到大都一路以為係指成個英國。 — 粵語文學大使殘陽孤侠 2013年5月2號 (四) 22:15 (UTC)

好呀，【英格蘭】同【英倫】你諗邊個係常用啲㗎？唔該！ Divec (傾偈) 2013年5月3號 (五) 01:24 (UTC)

我通常用「英格蘭」，「英倫」我認為係相對詩意啲嘅名稱（好似「哥倫比亞」咁）。 — 粵語文學大使殘陽孤侠 2013年5月3號 (五) 04:46 (UTC)

雖然已經係10年前嘅討論，但係我認為應該改做「英格蘭」，「英倫」幾乎唔會單獨用嚟表示「England」。香蕉紳士 (傾偈) 2023年2月16號 (四) 19:00 (UTC)

認為呢度嘅討論不足，搬版存有疑問。英格蘭名稱睇似較為正式，之但係英倫概念亦並非唔常見，似埋上高提到過嘅，英倫會更為口語、亦會更多體現到粵文使用嘅典雅一面，所以並唔會妨礙到粵文使用者日常使用。兼且，英倫本身亦有相當時代嘅記錄同使用，似清國時順德嘅文學家梁廷枏先生著作海國四說，就經已使用咗英倫指代英倫三島嘅主體。後尾一啲延續咗呢種國家地理認識觀嘅著述，都一樣會用返英倫嘅講法，就唔使論埋有一定認知返粵文同舊時理解等等嘅使用者，都唔會話對呢個講法見怪。 Longway22 (傾偈) 2023年11月21號 (二) 03:54 (UTC)

唔好意思，我見上面兩位Divec、殘陽孤侠都係支持用「英格蘭」，所以以為有共識。我覺得用「英倫」唔妥當，因為呢個名過時同埋有歧義：

• 睇維基辭典嘅話英倫係過時用法；
• 「英倫」可以指「England」、「英國倫敦」，甚至好似上面殘陽孤侠係指成個英國，而我嘅經驗裏面，呢個其實係最常用嘅用法，例如英倫海外升學中心、英倫旅遊系列、英倫風造型；甚至你引用嘅《海國四說》都係咁講：「國曰英吉利……亦曰英倫……三島並懸」，即係用「英倫」代表成個英國。

香蕉紳士 (傾偈) 2023年11月26號 (日) 13:10 (UTC)

確實依家嚟講「英格蘭」呢個名比較常用。 ——Z423X5C6（傾偈） 2023年11月26號 (日) 13:55 (UTC)