Talk:鳴泉居度假村

反對搬去維基遊埠

人哋酒店都係一間百科知識，加上入面冇提供到住宿嘅房、門飛價格、酒店房源同一系列同遊埠有關嘅嘢，所以我寧願維持原狀。最多刪走幾句話。--CRCHF (傾偈) 2015年7月5號 (日) 03:54 (UTC)

同辭典情況唔同。一般來講出現喺維基辭典嘅文唔應該重複出現喺百科，但喺維基遊埠嘅文可以而且經常會重複出現喺百科，衹係兩者角度同側重點唔同。所以反對搬去遊埠。--William915（傾偈） 2015年7月5號 (日) 04:02 (UTC)

我建議搬去維基遊埠嘅原因，係因為爾座「鳴泉居度假村」從歷史同建築等方面來講，重要性都遠遠去唔到廣州白天鵝賓館同上海錦江飯店嗰個程度。錦江飯店係1920年代起好嘅，至今接待過三百幾位外國政要；而白天鵝賓館就係中國第一間完全由中國人自己設計同運營嘅酒店，重要係第一間殺入世界一流酒店組織嘅中國酒店。計我話，爾座鳴泉居度假村唔好話拍馬，就算係拍奧巴馬、人頭馬、白龍馬，都未必追得上白天鵝賓館或者錦江飯店，加上根據我喺其他百科嘅經驗，爾篇文章隨時可能會由於知名度問題而被人剷走。所以我都係認為（起碼大部份內容）應該搬去維基遊埠。【粵語文學大使殘陽孤侠】支持全面中止IP用戶編輯權 2015年7月5號 (日) 05:51 (UTC)

重要性程度——呢間嘢咪睇低咗佢。殘陽孤侠未睇過廣州電視台可能唔知，呢間嘢曾經喺1997~1999年嗰時嘅第六、七、八屆嘅美在花城就喺呢度搞過嘉賓定點酒店。呢點唔可以否認㗎。--CRCHF (傾偈) 2015年7月7號 (二) 00:13 (UTC)