拍住賞
(由Tap & Go跳轉過嚟)
提示：呢篇文講嘅唔係TNG。拍住賞（Tap & Go）係由香港電訊旗下嘅HKT Payment推出嘅一項預付式流動付款服務，2015年開始提供服務。睇番你用邊隻卡種，用戶可以喺全世界接受MasterCard或銀聯嘅舖頭或網上交易畀錢。呢張係預付卡，要先增值足夠嘅金額先至可以畀錢，只需要夠11歲就可以申請。
拍住賞可以經香港電訊門市、7-Eleven、OK便利店同其他一啲連鎖商戶增值，亦可以經各本地銀行嘅網上銀行同大新銀行信用卡增值。2018年9月底，拍住賞接入香港轉數快（FPS），可以即時將錢由本地銀行戶口或者其他電子銀包轉入或者轉出去。
2021年，拍住賞做咗香港政府嘅消費券計劃嘅其中一個指定儲值支付工具。