香港消費券計劃

香港特別行政區推行嘅計劃

香港消費券計劃Consumption Voucher Scheme)係香港政府推出嘅電子消費券計劃,喺2021年2022年2023年推出。

喺2021年嗰次,每位喺2021年6月18號或之前年滿18歲嘅合資格香港居民都可以攞到價值5000蚊港紙嘅電子消費券。2022年,香港政府推出第二次計劃,合資格香港居民都可以攞到價值10000蚊港紙嘅電子消費券。2023年,香港政府推出第三次計劃,合資格香港居民都可以攞到價值5000蚊港紙嘅電子消費券。

背景 編輯

2021年2月24號,香港政府發表《2021年財政預算案》,入面提到由於香港受疫情影響,為咗刺激經濟,決定向合資格嘅香港居民分期發放價值5000蚊港紙嘅電子消費券,既可以帶動本地消費,亦可以推廣電子支付。

儲值支付工具 編輯

合資格人士可以揀下面其中一種電子儲值支付工具去攞消費券同使消費券:

派發安排 編輯

2021年 編輯

消費券計劃登記期由2021年7月4號至到8月14號,可以喺消費券計劃網站電子登記或者遞交書面表格。用電子方式喺頭兩個禮拜內(7月4號到7月18號)登記嘅人,都可以喺8月1號攞到第一期消費券[1],其餘嘅登記者(包括所有書面登記者)就會喺9月1號攞到第一期消費券。

除咗八達通外,其餘三種工具會分兩期發放消費券:第一期2,000蚊,有效期五個月;第二期3,000蚊,喺第一期發放咗兩個月後發放,有效期三個月,兩期消費券可以同時用,同一日到期。

八達通會分三期發放消費券:第一期2,000蚊;第二期2,000蚊,喺第一期發放咗兩個月後發放;第三期1,000蚊,喺第一期發放咗四到七個月內累積合資格消費滿4,000蚊後發放。雖然八達通嘅消費券金額唔會到期,但要合資格攞到最後一期嗰1,000蚊,就一定要喺第一期發放咗七個月內累積合資格消費滿4,000蚊,不過呢個要求因為第五波疫情爆發而喺2022年2月宣佈取消。

財政司司長陳茂波接受傳媒訪問嗰陣透露,約莫七成人揀咗八達通攞消費券,約莫兩成人揀咗支付寶,各約莫半成人揀咗微信支付同拍住賞。

消費券適用範圍 編輯

消費券嘅適用範圍包括香港本地零售、餐飲同服務業嘅實體舖頭同網上舖頭,公共交通亦都適用(相關費用亦合資格攞公共交通費用補貼),但就唔用得嚟畀政府收費、公用事業收費、公共機構收費、教育開支、金融產品服務同埋捐款等等。[1]

參考 編輯

出面網頁 編輯