Template:Lang-mn/doc

介紹

呢個模係蒙古文模，由於蒙古文嘅情況好複雜，所以呢個模嘅用法有啲特別。

蒙古文情況簡介

蒙古文係蒙古國同內蒙古、中國蒙古族自治地方嘅官方語文，不過蒙古國嘅蒙文用斯拉夫字母拼寫，中國嘅蒙文沿用傳統蒙文（即係用蒙古字母拼寫）。傳統蒙文有一定程度上嘅言文分離，即係拼寫同實際發音有啲出入，噉係因爲傳統蒙文記嘅發音其實係古代蒙古文嘅發音，亦即係話係一種文言。用古代發音可以推出現代各個蒙古方言嘅發音，但係反推反而好難。所以傳統蒙文可以跨方言/語言，就好似中國文言文可以跨越各門漢語、以及溝通日韓越。而蒙古國用嘅斯拉夫蒙文喺拼寫上可以做到言文一致，不過佢嘅拼寫標準係喀爾喀口語，而中國蒙古文嘅標準口音係內蒙古中部正藍旗嘅察哈爾口音。大體上內外蒙文字音一樣，但有部份字詞嘅讀音唔同。

喺傳統蒙文嘅拉丁字母轉寫上，現時有幾套方案。其中鮑培轉寫係最通用嘅轉寫法，但問題在於佢只能轉寫比較傳統嘅蒙古文，而現代蒙古文有好多外來詞，發音上亦有外來借音，所以鮑培轉寫有啲過時。現時中國同蒙古國聯合推出轉寫方案（中蒙聯合轉寫），可以兼顧到近代、現代嘅蒙古文，所以比較推薦用，可以做到完全無損噉轉寫成拉丁字母。另外中蒙轉寫重可以轉寫埋托忒蒙古文、滿文、錫伯文、達斡爾文、鄂溫克文，而唔單止傳統蒙古文。

傳統蒙文喺內蒙嘅標準讀法可以查內蒙古大學蒙古學研究院蒙古語文研究所編寫嘅《蒙漢詞典》，由內蒙古大學出版社出版，ISBN號係978-7-81074-000-5。而以喀爾喀口語做標準嘅斯拉夫蒙文，則有另外嘅拉丁化轉寫，可以參攷Google翻譯（蒙古文選項）畀出嘅拉丁字母記寫。

模嘅用法

下面有兩類用法。黐下面啲原碼去啲文章度，填好就得。注意，傳統蒙文嗰個用法中，一定要填「傳統=」一欄，如果唔諗住填傳統蒙文，噉就請用另一個用法。

用法一：

呢個用法唔需要任何嘅參數名。

用法二：

參數說明：

「傳統」：指傳統蒙文。「傳統蒙古文」、「老蒙文」、「傳統蒙文」呢啲參數名等效。呢個參數項必填。只需要填啲傳統蒙文，呢度內鑲咗Template:MongolUnicode，即係話，填入嘅蒙文會自動豎排。（蒙古文、滿文等，係世界少數嘅一定要打豎寫嘅文字）
「中蒙」：即係中蒙聯合轉寫。「中蒙聯合轉寫」「中蒙轉寫」參數名等效。
「鮑培」：鮑培轉寫。「鮑培轉寫」參數名等效。
「斯拉夫」：斯拉夫蒙文。「西里爾」、「新蒙文」參數名等效。
「拉丁化」：指針對斯拉夫蒙文嘅拉丁化內容。注意：同傳統蒙文無關。傳統蒙文嘅拉丁轉寫請用中蒙轉寫或者鮑培轉寫。

用法三：

參數說明：基本同用法二一樣。其中

「內蒙」：內蒙標準音嘅字詞讀法，注意呢度用嘅係國際音標，可自備蒙古文詞典後再填。
「外蒙」：即係斯拉夫蒙文。
「外蒙拉丁化」：同「拉丁化」一樣，不過專用喺區分內外蒙讀音嘅用法度。

以上參數，除咗「傳統」必填，其餘都係揀填。唔填唔顯示。

用時建議

填咗傳統蒙文後，建議喺文章度加上Template:傳統蒙文警示。建議擺嘅位置：座標模（coord）、pathnav模之下，明細模（navbox）之上。如果擺咗喺明細之下，可能有啲讀者會睇唔到警示。
由於傳統蒙文係一定要打豎寫嘅，同粵文版面有衝突，啲蒙古文會撐開行距，搞到離行離迾，對於睇唔到蒙古文嘅電腦用家，呢個情況會更嚴重。所以建議每個單詞之間插入一個換行籤（即係<br>），而唔好似英文噉個個單詞之間隔一個空格。注意：由於傳統蒙古文嘅書寫規則係同一單詞嘅詞幹同詞尾分開寫，之間隔一格，但讀時算做一個單詞，所以詞幹同詞尾之間唔好落換行籤，要保留空格。

用例

用法一（斯拉夫蒙文）

填： {{lang-mn|Монгол}}

效果：蒙古文：Монгол

用法二（傳統蒙文同斯拉夫蒙文）

填： {{lang-mn|傳統=ᠮᠣᠩᠭᠣᠯ |中蒙=monggol xele |鮑培=moŋɣol hele |斯拉夫=Монгол хэл |拉丁化=mongol khel }}

效果：傳統蒙文：ᠮᠣᠩᠭᠣᠯ，中蒙聯合轉寫：monggol xele，鮑培轉寫：moŋɣol hele；斯拉夫蒙文：Монгол хэл，拉丁化：mongol khel

用法三（表示內蒙同外蒙讀音）

注意：呢個用法必須填傳統蒙古文。

填： {{lang-mn|傳統=ᠮᠣᠩᠭᠣᠯ |中蒙=monggol xele |內蒙=[mɔŋ̩ɡɔ˘l xəl] |外蒙=Монгол хэл |外蒙拉丁化=mongol khel}}

效果：傳統蒙文：ᠮᠣᠩᠭᠣᠯ，中蒙聯合轉寫：monggol xele，內蒙標準口語音標：[mɔŋ̩ɡɔ˘l xəl]，外蒙斯拉夫蒙文：Монгол хэл，拉丁化：mongol khel