Template talk:粵語拼音方案

關於排序

6月10日我修改咗呢個模嘅排序。6月14日銀泉兄再修改，原則係除咗粵拼同敎院式，其他方案按照拼音字母順序排。我覺得噉排唔好，因爲有啲好唔常用，甚至有原創爭議嘅極小眾方案就浮起咗，相反有啲好常用嘅方案就沉咗底。

我會建議跟番我6月10日嘅版本，排列原則基本上係依常用度、認受性同敎學資源。詳述如下：

1. 首先係粵拼，而家粵拼已經無出其右。
2. 然後係敎院式，現時敎院式嘅用戶過渡緊去粵拼，但都仍然有一定數量嘅敎學資源。
3. 跟住係兩套黃錫凌，始終《粵音韻彙》有近代粵語標音拼寫普及嘅奠基地位，仲有唔少學生字典用緊。
4. 之後劉錫祥同耶魯，係考慮民間使用同民間敎學資源。
5. 然後係三地政府會用嘅方案。考慮到港、澳式唔可以準確拼寫，廣州式亦特別laau2 gaau6同埋廣州政府公佈後都唔點用，所以唔排咁前。
6. 再跟住係舊啲嘅、而家已經唔點用嘅方案。有Meyer-Wempe、粵語標準羅馬拼音、粵語羅馬字、粵語注音符號、趙元任粵語羅馬字。佢哋係歷史意義比較多。
7. 唔太普及、但係有社會共融需要嘅粵語點字喺佢後面。
8. 最尾嘅係小眾原創方案，嚴格上嚟講刪除得嘅方案。

我認為呢種排法，比較實用，亦比較貼地。希望可以獲得認同，用我嘅呢種排序。Cangjie6 (傾偈) 2021年6月14號 (一) 09:38 (UTC)

其實我嘸會完全反對，但我覺得直接噉排仲係主觀成分好似太多；或者可以再分過、分類成幾個細分列表，譬如按你所陳列表分民間用、政府用、罕用或者其他啲細列表會好啲—— 汩汩银泉 (傾偈) 2021年6月15號 (二) 13:34 (UTC)

分咗細表，上述第2、3、4項合併咗，細表內部則按粵拼字母序排。Cangjie6 (傾偈) 2021年6月17號 (四) 01:55 (UTC)