Touch wood

Touch wood 港式用法同傳統廣東話嘅大吉利是相似。係當講到衰嘢或者啲事嘅時候，一係講「touch wood」或者用手摸吓或者敲吓木做嘅嘢，希望呢啲衰運唔會發生，唔好講中，好嘅繼續好落去。

畫 Touch wood 出嚟

用法

Touch wood 呢個詞喺香港比較興，好似：「Touch wood 講句，今晚出街唔會賴嘢。」，有時就係好彩嘅意思，好似：「藍橙仔，你成日都做錯嘢嘅？！touch wood個客唔追究，touch wood老闆又唔發現，如果唔係…」。

起源

呢個習俗起源可能係 Celtic 或德國嘅民間傳說，認為有超自然生物住喺樹裏頭，可以幫手保護人。一種解釋係，喺異教徒嘅傳統，樹木就係仙子、精靈、樹妖、其他神秘生物嘅屋企，啲人可以敲門或摸木頭，以求好運，或者用嚟分散惡魔嘅注意力，當想求好運，搵幫手嗰時，就會有禮貌咁同樖樹講，然後摸吓樹皮，代表第一個「敲」，「敲」第二下就講「唔該」，敲木聲防止惡魔聽到你講乜，唔好畀佢過嚟搞搞震。另一啲傳統認為，敲木頭會叫醒，放住喺仁慈樹嘅仙子出嚟。

另一種解釋同耶穌受難嘅木製十字架連起來。近代嘅講法，民間傳說嘅研究人員認為來源係一種 “Tiggy Touchwood” 嘅細路捉人遊戲，只要掂到樖樹，被捉嘅細路就安全（捉嗰個唔可以捉佢）。