User:FootballHK/沙盒

1841年1月25號，英國海軍軍官卑路乍喺而家嘅上環水坑口街附近，登陸同霸佔香港島。而喺1842年滿清同英國簽咗南京條約，香港島正式割咗畀英國，成為殖民地。隨住香港成為英國嘅殖民地，英國嘅文化包括足球都陸續傳到來香港。

香港最長歷史嘅足球比賽係學界足球比賽。

喺1886年2月12號，香港足球會創會，係而家全亞洲歷史最長嘅球會。1895年，高級組銀牌嘅前身香港盃舉行。

1909年，香港足球總會成立。有一個講法係話香港足球總會以前係叫「香港腳球總會」，但係呢個名可能只係因為一啲誤譯而偶然產生出嚟用咗幾次。

南華足球會喺1910年12月12號正式成立，係香港第一個以華人為主嘅足球組織。

1914年，華人團體孔聖會同琳瑯幻光社加入香港足球總會。有一個講法係話因為排洋嘅關係，所以呢一年先被認定係香港足球總會嘅正式成立年份。

因為第一次世界大戰關係，特別銀牌停辦咗兩屆。

南華足球隊喺1916年開始踢香港乙組足球聯賽。（比而家嘅講法係早一年）