Watoto兒童合唱團
Watoto兒童合唱團（英文：Watoto Children's Choir）係一個由非洲孤兒組成嘅合唱團，總部喺烏干達坎帕拉嘅Watoto教會，1994年開始每年都會喺世界各地巡迴演出，每次由18至22個細路組成，演出當中細路亦會分享佢哋人生經歷嘅故事[1]。
簡介 編輯
Watoto喺斯華希里文嘅意思係「細路」，合唱團由失去一個或兩個父母嘅細路組成。佢哋嘅父母通常係因為愛滋病或喺戰爭中過身。合唱團具有多個目的，透過世界各地巡迴演出，除咗增加大家對Watoto工作嘅認識之外，亦為細路提供領袖訓練，鞏固佢哋嘅責任感，並且令佢哋體驗多元文化。佢哋嘅表演融合咗非洲本土韻律，當代福音音樂同創意舞蹈。