Wikipedia:介紹
維基百科全書係本內容開放嘅百科全書。佢嘅目標就係收納人類所有領域嘅知識。粵語維基百科響2006年3月25號開始運作，而家已經有十四萬二千六十四篇文，而且重唔停噉增加添。維基百科嘅內容可以俾人複製，修改同埋再發佈，只要新嘅版本都同樣跟住我哋嘅許可，並且寫明係嚟自維基百科就得喇。維基百科上嘅文章由始至終都係保持自由。希望維基百科能夠幫到你。介紹維基百科畀你啲朋友啦！
重有，維基百科全書亦係一本用萬國語言寫成嘅百科全書。英文維基百科響2001年1月開始，到2018年9月已經有超過 5,714,000 篇文章。維基百科全書重有其他唔同國家嘅語言版本，若果你需要用其他語言嘅文本，請去首頁下面搵吓。
維基百科用WikiWiki技術，任何人都可以編輯，而全部修改都紀錄晒。粵語維基百科嘅內容由呢個網站嘅所有人一齊寫，我哋相信佢將會響大家嘅無私奉獻下繼續完善。歡迎你一齊參與撰寫維基百科全書嘅工作，自由噉體會寫嘢嘅樂趣，同大家分享你獨到嘅知識同埋經驗。
呢篇文簡介點用同編粵語維基百科；請撳啲藍字嚟睇詳細內容。如果想睇更詳細嘅內容就請去Help同社區大堂。若果有問題嘅就可以去城市論壇搵人幫手。