事件相關電位（Event-related potential，簡稱 ERP）指神經系統對特定外界或者內在刺激所起嘅電生理反應：動物嘅腦由大量嘅神經細胞組成，呢啲細胞彼此之間會用電傳訊號，話俾個腦知佢哋受到乜刺激，例如眼嘅感光細胞喺受到光刺激嗰陣，會傳電訊號上腦，等個腦知隻眼睇到嘢。腦裡面嘅電壓因為呢個光刺激而出現嘅變動就係同呢個事件零舍相關嘅電位。
