格林尼治（英文：Greenwich，又譯格林威治）係英國倫敦東南一區，出名格林尼治子午線，即係全世界時間嘅參照點。所謂格林尼治時間就係指呢度嘅時間。如此地位，皆因呢度係英國海軍重地。格林尼治天文台，又稱英國皇家天文台，負責導航英國海軍。大英帝國喺十九世紀靠海軍擴張，佢哋用嘅時間就慢慢變成全世界嘅標準。
