視覺，學術上叫視知覺，係對光嘅感知過程：眼塊視網膜上面嘅感光細胞會對光起反應，會按自己接收到嘅光嘅特徵向個腦處理視覺嘅區域射訊號，話俾個腦知自己見到乜。認知科學等領域有對視知覺進行詳細嘅研究，而呢啲研究令到本嚟只係憑經驗之談嘅視藝設計原則得到科學性嘅證據支撐。
