苗劉兵變，又叫明受之變，係南宋初期嘅一場政變。呢場政變由苗傅同劉正彥發動。佢哋殺死皇帝趙構嘅寵臣太監康履同其他有權勢人士，話要「清君側」，之後逼趙構退位，禪讓皇位畀三歲皇太子趙旉。政變消息傳出之後，各地將軍、郡王都齊齊出兵勤王。苗傅同劉正彥知自己死硬，唯有幫趙構復辟。最後苗、劉兩條友被打敗，喺首都建康度處死。
