Wikipedia:濫用規則

呢頁描述維基百科一項指引。呢樣指引唔係正式政策，但好多維基編者都接受。你可以自由改呢頁，不過如果想大改，請事先喺討論版傾下。

濫用規則（英文：Gaming the system）係惡意用維基百科嘅政策同指引兼阻擾維基百科要實現嘅目標行爲。呢種行爲亦可以俾其他人睇成濫用程式、擾亂性編輯或其它違反社群共識精神嘅行爲。總而言之，編者濫用規則嘅目標係解釋觀點或持續搞編輯戰或利用維基規定嚟保護自己，將自己啲嘢凌駕喺人哋身上或強化某一特定嘅非中立觀點幾個是但一樣嘅行為。

雖然，若果有編者發現規定有漏洞令佢哋可以侵犯社群標準或使用管理工具時特登搞到出錯嘅話，呢啲行為唔可以睇成善意失誤。但係，封禁係打預防針，唔係用嚟做懲罰。總而言之，出自管理員嘅警告係唔畀濫用規則嘅最好方法。因爲有清晰嘅警告，一般都可以幫到改正返善意失誤同惡意嘅濫用規則行爲。若果編者唔理警告兼繼續帶有色眼鏡繼續濫用規則，或佢哋出新橋嚟達到相同嘅擾亂目的，噉佢哋好有可能係喺度濫用緊規則。

點先至係「濫用規則」？

濫用規則嘅編者一般都係諗住惡意使用政策，雖然通過部份字眼做自己明顯嘅擾亂行為嚟做理據，但政策原本拒絕呢種行爲。雖然政策同共識原意係記錄社群共識之用，但俾濫用緊規則嘅人爲咗實現目標，而有選擇性利用兼偏離原意。若果某編者出現以下呢啲方法就係屬於擾亂性行爲：

通過斷章取義嘅方法嚟引用方針支持自己明顯嘅政策、抵觸嘅觀點或論述。
有意歪曲政策嚟攻擊完全符合政策嘅觀點
擾亂維基程式嘅正常運作

不過，以下呢啲行為唔算濫用規則：

使用維基法匠（Wikilawyering）或其它利用政策嘅字面意思侵犯政策實質原則嘅行爲。
因存在瑕疵反駁其他编者或守住已被社群明顯反對嘅觀點，使共識形成過程變到又長又唚。
試下歪曲維基百科嘅程序嚟騷擾其它編者。
為咗自動確認用戶權限而做咗10次冇貢獻性或破壞性嘅編輯。
以好多條方針做理據對某用戶百般阻擾兼搞騷擾嘅行為。

以上呢啲情形雖然係明知故犯嘅嘢，但若果係用錯政策或指引或程式（真係失誤所致）就唔算濫用規則。不過有事先聲明：若果以上呢啲情形係專登嘅（唔理係有意定無意），編者好明顯冇辦法合理話自己唔知有呢條規定，就喺度繼續濫用規則。

濫用規則嘅情況

以下呢啲都係屬於濫用規則嘅行爲，希望大家留心。

濫用擾亂行爲嘅制裁

捷徑

WP:SANCTIONGAME

扮演受害者

扮演受害者係自己違反某規定而同時聲稱其它人違反同一規定或某一聯繫緊密規則，呢種行爲可以話齋，係「扮嗮嘢」、「詐諦」、「詐形」，「裝假狗」嘅行爲。例如：

雖然用戶A發佈咗唔文明言論，但同時指控用戶B有唔文明行爲，而對用戶B搞制裁行為。事實上，A好明顯違反咗所引述嘅政策。
跟踪其他人，挑撥是非，然後投訴人哋，要求管理員封人。
編輯戰演變成鬧人事件，跟住濫用人身攻擊指控嚟嘗試令管理員封人，達到贏編輯戰嘅目的。

淡化人身攻擊言論

有用家試過淡化人身攻擊言論嘅意思而拒絕道歉，反而屙屎唔出賴地實，而話返人轉頭。例如：

用戶A同用戶B喺某討論頁，出現冇共識時，用戶A同用戶B講出疑似出口傷人嘅言論，之後用戶A辯護話呢樣係對於用戶B嘅善意提問。
討論文章內容嘅動議演變成鬧人，出現人身攻擊言論，跟住用搬版戰等等編輯戰伎倆嚟達成淡化人身攻擊言論嘅效益。

打擦邊波

打擦邊波係習慣噉喺違反政策嘅邊緣地帶或做出涉及少量嘅疑似違規行爲，好難證明到係違規。例如：

雖然用戶A發佈咗唔文明言論，但同時指控用戶B有唔文明行爲，而對用戶B搞制裁行為。事實上，A好明顯違反咗所引述嘅政策。
用粗口諧音或外語粗口鬧人，搏其他編輯睇唔明。
人身攻擊時唔明文講鬧緊邊個，搏其他編輯唔當佢係人身攻擊。

歪曲解讀其它編者嘅行爲

歪曲解讀其它編者嘅行爲係睇落去好似係無理取鬧、罪有應得或有唔多妥嘅行為。例如：

喺戶口B要求戶口A畀相關攷時，戶口A唔單止打死都唔畀有效嘅攷，重猛咁要求B畀出處嘅做法係擾亂行爲。因為攷源必須準確嚟方便其他編者驗證係堅定流。
曲解舊討論或者指引，扮自己做嘅嘢有共識支持，或者扮既有共識已經失效。

報復行爲

報復行爲係專登反轉某戶口改A文嚟向B文出拗數時發爛渣。例如：

雖然用戶A因爲觀點唔中立兼冇出處而反轉咗用戶B一次改文，而用戶B喺討論頁開討論，用戶A亦有參加討論，不過最後冇共識。之後用戶B反轉咗用戶A一次有足夠攷同觀點中立嘅改寫，重話呢次改寫唔啱格式手冊嘅要求。

濫用共識

捷徑

專登拖長討論，例如：

戶口A提出嘅必須要啱心水，唔係嘅話拒絕某改變結果。不過A提出嘅所謂預設條件冇任何政策或指引支持。
一班人已經達成一共識，不過有部份戶口仔或集團堅持話某改變結果違反咗某政策或指引兼冇明確指出係點違反嘅。

濫用程式

濫用程式都算濫用規則。因為噉嘅行爲可以睇成有意識使用由某政策所規定兼社群讚成用嘅程式，而濫用規則嘅人就明顯唔係按照政策原意嚟濫用程式。注意：濫用程式都按擾亂行爲處理，重要睇情況，可能會被認定係濫用規則、人身攻擊、爲解釋觀點而擾亂維基百科秩序。因此，社群集體同意用嘅程式應該要善意使用。